Jupoklembe 19:10 - The Holy Bible In Alur (Lur) Revised Orthography

¹⁰ Ento ng’atuca yio ngo ebed ku diewor maeno, ento eai malu ecidho, manewok kum Yebus (ma en e Yerusalem): man kana ario ni kude m’ubedo ayika mi woth; dhaku pare m’araga bende ni karacelo kude.

Jupoklembe 19:10 Iomraidhean Croise

2 Samwil 5:6

Man ubimo ku dhanu pare gicidho i Yerusalem kum Juyebusi, ma ju m’ubedo i ng’ombe, m’uweco ba Daudi m’uwacu kumae, Tek ikabu abinga ku weg abala de ngo, ibimondo keni ngo; ma igi pido kumae, Daudi copo mondo keni ngo.

Yocuwa 15:63

Man Juyebusi re, ju m’ubedo i Yerusalem, nyithindho pa Yuda copo riemogi woko ngo: ento Juyebusi gibedo karacelo ku nyithindho pa Yuda i Yerusalem cil i ceng’ maeni.

Yocuwa 15:8

man kieu idho malu ng’et poga pa wod Hinom cil kum ng’et Jaye’ousi yor ariwa ma piny (ma en e Yerusalem); man kieu idho malu wi got m’ubedo i wang’ poga mi Hinom yo reto, ma en e ng’ete ma yo woko ni longro mi Refraim yor ariwa ma malu;

Yocuwa 18:28

man Zela ku Elef, man Jayebusi (ma en e Yerusalem), man Gibeath, ku Kiriath; adhura apar wi ang’wen ku pacune. Maeni en e aba mi nyithindho pa Benyamin calku wat migi.

Jupoklembe 1:8

Man nyithindho pa Yuda gitimo ali kum Yerusalem, e gimake, man gigoye ku lak palamularu, gicwinyo adhura de ku mac.

Jupoklembe 19:9

Man ka ng’atuca giai malu kara gicidhi, en, ku dhaku pare m’araga, man jatic pare, jalkwaru mire, ma won nyaku, wacu ire kumae, Nen, kawono ceng’ uvoc, akwei ibed ku diewor soro: nen, ceng’ umaku mwony, vut keni, kara anyong’a neg adundeni; man urwone Wucidh i yo mu pir kugweno, kara idok thu.