Jupoklembe 19:1 - The Holy Bible In Alur (Lur) Revised Orthography

¹ Man etimbre i ceng’ maeca, kinde m’ubimo mbe i Israel, nia Jalawi moko bedo ni umondo yor i wang’ ng’om gudi pa Efraim, m’egamu ire dhaku m’araga kud i Beth-lehem-yuda.

Jupoklembe 19:1 Iomraidhean Croise

Thangambere 22:24

Man dhaku pare m’araga, ma nyinge Reuma, enyolo Teba bende, man Gaham, ku Tahac, man Maka.

Thangambere 25:6

Ento ni wot mon m’araga, ma Ibrahim ubedo ko, Ibrahim umio giramia; man eorogi cen ku kum Isak ma wode, kinde ma fodi ebedo kwo, yo nyangu, ba ng’om ma yo nyangu.

Thangambere 35:19

E Rahel utho, man juyike i yo ma tundo Efrath (ma en e Beth-lehem).

2 Samwil 16:22

Kum kumeno gipedho hema ni Absalom wi ot; man Absalom umondo wi mon m’araga pa won i wang’ Israel ceke.

2 Samwil 19:5

Man Yoab umondo i ot bang’ ubimo, e ewacu kumae, Inyayu lewic tin i wang’ jutic peri ceke, ma gibodho kwo peri tin, ku kwo mi woti ku mi nyigi, man kwo mi mon peri, man kwo mi mon peri m’araga,

2 Samwil 20:3

Man Daudi bino i ot pare i Yerusalem; e Daudi gamu mon pare apar m’araga, m’eweko kara ugwok ot, man ekethogi i ka ma jukuro, emio igi cemo de, ento emondo i bang’gi ngo. Kum kumeno juciko bang’gi cil i ceng’ mi tho migi, ma gibedo ko ni mon landu.

2 Samwil 3:7

Nwang’u dhaku pa Saul m’araga nuti ma nyinge Rizpa, ma nyar Aia, man Ic-boceth uwacu ni Abner kumae, Pirang’o imondo wi dhaku pa vwa m’araga?

2 Samwil 5:13

E Daudi gamu ire mon m’araga ku mon m’anyoma de kud i Yerusalem, yu ng’ei m’eai i Hebron: fodi jubenyolo nyithindho ma co ku ma nyir de asu ni Daudi.

1 Ubimo 11:3

Man ebedo ku mon dak abiro, mon ma dongo, man mon m’araga dak adek; man mon pare loko adundene woko.

1 Ubimo 4:8

Man maeni nying’gi: Ben-hur, i ng’om gudi pa Efraim;

2 Lemkei 11:21

Man Rehoboam umaru Maka ma nyar Absalom ma sagu mon pare ceke ku mon pare m’araga (kum egamu mon apar wi abora ku mon m’araga pier abusiel, man enyolo wote pier ario wi abora ku nyige pier abusiel).

Ester 2:14

Ecidho uthieno, man edwogo urwone i ot mir arionde mi mon the cing’ Cacgaz, ma jatic p’ubimo, ma gwoko mon m’araga; emondo bang’ ubimo kendo ngo, tek ubimo kumare en ungo, man tek julwong’e ku nyinge ngo.

Daniel 5:3

Gilund gikelo agulu mi mola ma kwar ma juyaku i hekalu mi ot pa Mungu ma ni i Yerusalem; e ubimo ku judongo pare ku monde man monde m’araga, gimadhu kud i igi.

Malaki 2:15

Man etimo acel ungo, kadok ebedo ku dong’ Tipo? Man acel mir ang’o? Eyenyo kodhi mi koth Mungu. Ka kumeno gwok cwinyi, man ng’atu moko kud utim awondi kum dhaku mir aradu pare.

Matayo 2:6

In i Beth-lehem, ng’om pa Yuda, In i nok ki ngo i kind juker pa Yuda: Kum jabim biai i beng’i, M’ebibedo jakwac mi dhanu para Israel.

Yocuwa 24:30

Man giyike i kieu mir aba pare i Timnath-sera, ma ni i ng’om gudi pa Efraim, yor ariwa ma malu ni got mi Gac.

Yocuwa 24:33

Man Eleazar ma wod Harun utho; man giyike i ungulu got pa Finehaz ma wode, ma jumio ire i ng’om gudi pa Efraim.

Jupoklembe 12:8

Man yo ng’eye Ibzan mi Beth-lehem upoko lembe i Israel.

Jupoklembe 17:1

Man ng’atu moko nuti m’i ng’om gudi pa Efraim, ma nyinge Mika.

Jupoklembe 17:6

I ceng’ maeca ubimo moko mbe i Israel; ku ba dhanu ceke ng’atuman timo gin m’ubedo atira i wang’e gire.

Jupoklembe 17:7

Man jalawobi moko nuti m’uai Beth-lehem-yuda, mi wat pa Yuda, ma en e Jalawi; e ebedo kuca ni umondo.

Jupoklembe 17:8

Man ng’atuno ai kud i adhura, kud i Beth-lehem-yuda, kara ecidh ebed ni umondo i ka ma tek ebinwang’u; man ebino i ng’om gudi pa Efraim ba ot pa Mika, kan ebewotho.

Jupoklembe 18:1

I ceng’ maeca ubimo mbe i Israel: man i ceng’ maeca suru mi Judani giyenyo aba igi ma gibed i ie; kum cu i ceng’ maeca aba podho igi ngo ku kind suru mir Israel.

Jupoklembe 18:13

Man gikadhu ku keca cil i ng’om gudi pa Efraim, man giwok ba ot pa Mika.

Jupoklembe 19:16

Man, nen, ng’atu m’uti uai i tic pare m’i podho uthieno: nwang’u ng’atuca en e dhanu m’i ng’om gudi pa Efraim man ebedo ni umondo i Gibeya: ento dhanu ma keca gi Jubenyamini.

Jupoklembe 19:2

Man dhakune m’araga etimo tarwang’ ejai ko ire, man eweke ecidho ba ot pa won i Beth-lehem-yuda, man ebedo kuca nindo mi dwi ang’wen.

Jupoklembe 21:25

I nindo maeca ubimo mbe i Israel: ku ba dhanu nzu ng’atuman timo gin m’ubedo ber i wang’e gire.

Jupoklembe 3:27

Man etimbre, kinde m’ewok, nia ekudho agwara i ng’om gudi pa Efraim; man nyithindho mir Israel giloro piny gikugi kud i ng’om gudi, man etelo wigi.