Jupoklembe 16:18 - The Holy Bible In Alur (Lur) Revised Orthography

¹⁸ Man ka Delila neno nia eyero ire adundene ceke eoro elwong’o judongomawijo mi Jufilisti, ewacu kumae, Idh malu wang’ acel maeni, kum eyero ira adundene ceke. E judongomawijo mi Jufilisti gilund giidho malu i bang’e, man gikelo sente i cing’gi.

Jupoklembe 16:18 Iomraidhean Croise

1 Timoteo 6:10

Kum mer ma jumaru ko sente en e ulag kwond dubo ceke: ma jumoko ma ava piny sagugi gikier kum yioyic, man gidhuiri gigi ku can ma dupa.

Matayo 26:15

man ewacu kumae, Wuyenyo ya wumi ang’o ira kan amie iwu? E giporo ire kum mola ma tar pier adek.

Jupoklembe 16:5

Man rwodhi mi Jufilisti giidho malu ba dhakune, man giwacu ire kumae, Bidhe, man inen nia tego pare ma dit ni i ang’o, man nia wacopo sage ni kum ang’o, kara watwie wasende: e wabimio iri sente mi mola ma tar dak apar wi acel kubang’wa kubang’wa.

Juefeso 5:5

Kum maeni wung’eyo andhandha, nia won tarwang’, kadok jasasa de, kadok ng’atu ma ketho cwinye hai kum piny, ma en e jarwo ma ni ayi gin ma acwia, umbe ku camupacu i ker pa Kristu ku pa Mungu.

Lembrieko 18:8

Lembe pa jayernying’ en e calu kwen ma mit, Man gicidho piny i ic.

Zaburi 62:9

Andha dhanu ma sai gi mananu, man dhanu ma dwong’ gi ndra: Gibiidho malu i mukero; Gibedo yot karacelo ma sagu mananu.

1 Ubimo 21:20

E Ahab uwacu ni Elia kumae, Inwang’a, E jadegi para? Man eloko lembe kumae, Anweng’i, kum ing’ieuri giri kara itim gin ma rac i wang’ Yehova.

Kitabu Mir Ang’wende Pa Musa Wel 22:7

Man judongo mi Moab ku judongo mi Midian gicidho ku sukulia mi ewo thelembe i cing’gi; man gibino ba Balam, e giyero ire lembe pa Balak.

Jupoklembe 16:17

Man eyero ire adundene ceke, man ewacu ire kumae, Riedi foduwok i wia ngo; kum abedo Janaziri ni Mungu ugambre kud i ma: tek jugwaru wia, e tego para biai kud i bang’a, man abidoko ng’ic, man abibedo calu dhanu mange.

Jupoklembe 16:19

Man eketho enindo wi bambe; e elwong’o ng’atu acel, ugwaru yuk wie m’akieda abiro kud i wie; man emaku sende, e tego pare ai woko kud i bang’e.