Jupoklembe 13:3 - The Holy Bible In Alur (Lur) Revised Orthography

³ Man malaika pa Yehova wok ba dhakune, man ewacu ire kumae, Nen kawono, mugumba kwenyi, man inyol ungo; ento ibigamu ii, man ibinyolo nyathin ma nico.

Jupoklembe 13:3 Iomraidhean Croise

Thangambere 17:16

Man abimio mugisa ire, man kendo abimio iri nyathin ma nico i kore: eyo, abimio mugisa ire, man ebibedo meg thek dupa; ju m’ubimo mi kodhidhanu biai i bang’e.

Thangambere 18:10

Man ewacu kumae, Abidwogo i beng’i andha nwang’u nindo romo; man, nen, Sara ma cegi bibedo ku nyathin ma nico. Man Sara winjo ku i dhugola hema, ma ni i ng’eye.

Thangambere 18:14

Gin moko nuti ma voyo Yehova? Abidwogo i beng’i i nindo ma jung’olo, i karunyoni ma cen, man Sara bibedo ku nyathin ma nico.

2 Ubimo 4:16

Man ewacu kumae, Kar unyoni, kinde ma nindo romo, ibigwaku nyathin ma nico. Man ewacu kumae, Ungo, rwoth para, in i dhanu pa Mungu, kud icwai ndra ni bong’ peri.

Luka 1:11

Malaika pa Rwoth uwok i bang’e ecungo yor acwic ba pemblam mir udok ma ng’wice ng’ar.

Luka 1:13

Ento malaika wacu ire kumae, Lworo kud unegi, Zakaria: kum kwac peri winjre, cegi Elisabeti binyolo iri nyathin ma nico, man ibilwong’o nyinge Yohana.

Jupoklembe 13:10

Man dhakune timo pio, man eringo, man eyero ni cware, ewacu ire kumae, Nen, ng’atuca wok i bang’a, en e ng’atu ma nyamaca bino i bang’a.

Jupoklembe 13:15

Man Manoa wacu ni malaika pa Yehova kumae, Akwei, wek waceri, kara wayik nyathi diel iri.

Jupoklembe 13:6

Dhakune lund ubino eyero ni cware, ewacu kumae, Dhanu pa Mungu bino i bang’a, man wang’e bedo va wang’ malaika pa Mungu, m’ung’oi ndiri; man apenje ngo pi ka m’eai i ie, kadok nyinge de eyero ira ngo:

Jupoklembe 13:8

Manoa lund ukwayu Yehova, man ewacu kumae, A, Rwoth, akwei, wek dhanu pa Mungu m’ioro ubin kendo i bang’wa, man eponjwa maram wabitimo ko kum nyathin ma jubinyolo.

Jupoklembe 2:1

Man malaika pa Yehova idho malu kud i Gilgal ebino Bokim. Man ewacu kumae, Aketho wuidho malu kud i Misiri, man akelowu i ng’om m’akwong’o ni kwaruwu; man awacu kumae, Abituro lembariba para ma kudu ki ngo:

Jupoklembe 6:14

E Yehova neno i bang’e, man ewacu kumae, Cidh i tego peri maeni, man ibodh Israel kud i cing’ Midian: aori ngo?

1 Samwil 1:20

man etimbre, kinde ma nindo tundo, nia Hana gamu ie, man enyolo nyathin ma nico; man elwong’o nyinge Samwil, ewacu kumae, Kum apenje ba Yehova.