Jupoklembe 13:12 - The Holy Bible In Alur (Lur) Revised Orthography

¹² Man Manoa wacu kumae, Kawono wek lembe peri tjmbre kakare: nyathin maeni bibedo nenedi, man wabitimo ire nenedi?

Jupoklembe 13:12 Iomraidhean Croise

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

Zaburi 143:8

Keth awinj mer mi bero peri kugweno; Kum ageno in: Keth ang’ei yo m’awoth i ie; Kum ating’o ng’eyong’ec para i beng’i.

Lembrieko 22:6

Ponj nyathin uwoth i yo m’umaku piny, Man cil m’eti ebiweke ngo.

Lembrieko 4:4

Man eponja, man ewacu ira kumae: Wek adundeni mok kum lembe para: Wor lembang’ola para, man ibed kwo;

Juefeso 6:4

Man kendo, wu wego, kud wunyai ng’ecwiny i nyithindho mu: endre wutunggi i ponji man juk pa Rwoth.

Jupoklembe 13:11

Man Manoa ai malu, man elubo tok dhaku pare, e ebino ba ng’atuca, man ewacu ire kumae, In i ng’atu m’uyero lembe ni dhaku? Man ewacu kumae, An a en.

Jupoklembe 13:13

Man malaika pa Yehova wacu ni Manoa kumae, Gin ceke m’ayero pire ni dhaku wek egwokre gire.