Jupoklembe 12:5 - The Holy Bible In Alur (Lur) Revised Orthography

⁵ Man Jugileadi gimaku kakadhu mi Yordan ni Juefraimi. Man ebedo kumeno, nia, ka jumoko m’upiei ni Efraim giwacu kumae, Wek akadh lokaca, dhanu mi Gilead giwacu ire kumae, In i Jaefraimi? Tek ewacu kumae, Ungo;

Jupoklembe 12:5 Iomraidhean Croise

1 Ubimo 11:26

Man Yeroboam ma wod Nebat, ma Jaefraimi ma Zereda, ma jatic pa Suleman, ma nying’ min mire Zerua, ma dhaku ma cware tho, en bende eting’o cinge malu kum ubimo.

Yocuwa 2:7

E dhanu gilubo tokgi yo ba Yordan cil i ka ma jukadhu ku tielo: e kinde ma ju m’ulubo tokgi giai, giciko dhugang’.

Yocuwa 22:11

E nyithindho mir Israel giwinjo kumae, Nen, nyithindho pa Ruben man nyithindho pa Gad ku ng’et suru pa Manase giguro pemblam i nyim ng’om mi Kanan, i ng’om ma ceng’ni Yordan, i ng’ete yo ka ma en e piny mi nyithindho mir Israel.

Jupoklembe 12:4

Yeftha lund ucoko dhanu mi Gilead ceke karacelo, man gikiedo kud Efraim; e dhanu mi Gilead gigoyo Efraim, kum giwacu kumae, Wun wu ju m’upiei ni Efraim, wu Jugileadi, i kind Efraim, man i kind Manase.

Jupoklembe 12:6

gilund giwacu ire kumae, Wac Ciboleth; man ewacu Siboleth; kum ecopo ketho lebe wace cu ngo: e gilund gimake, man ginege i kakadhu mi Yordan. Man i nindo maeca dhanu pa Efraim rubanga pier ang’wen wi ario upodho.

Jupoklembe 17:7

Man jalawobi moko nuti m’uai Beth-lehem-yuda, mi wat pa Yuda, ma en e Jalawi; e ebedo kuca ni umondo.

Jupoklembe 3:28

Man ewacu igi kumae, Wulub toka; kum Yehova ketho judegi mu ma Jumoabi i cingwu. Man giloro piny i toke, man gimaku kakadhu mi Yordan yo ba Moab, man eyio ngo nia ng’atu moko kadhi.

Jupoklembe 7:24

Man Gideon uoro jukwenda i ng’om gudi ceke ndri ndri pa Efraim, ewacu kumae, Wulor piny kum Midian, man wumak pi i wang’gi, agbele kum Beth-bara, cil Yordan. Kum kumeno dhanu ceke pa Efraim gicokri karacelo, man gimaku pi agbele kum Beth-bara, cil Yordan.

1 Samwil 1:1

Nwang’u ng’atu moko nuti m’i Ramathaim-zofim, m’i ng’om gudi pa Efraim, man nyinge Elkana, ma wod Yeroham, ma wod Elihu, ma wod Tohu, ma wod Zuf, ma Jaefraimi: