Jupoklembe 1:4 - The Holy Bible In Alur (Lur) Revised Orthography

⁴ Man Yuda idho malu; man Yehova ketho Jukanani ku Juperizi i cing’gi: man gigoyo dhanu m’i kindgi i Bezek rubanga apar.

Jupoklembe 1:4 Iomraidhean Croise

1 Ubimo 22:15

Man kinde m’ebino bang’ ubimo, ubimo wacu ire kumae, Mikaya, wabicidho malu Ramothgilead i lwiny, kadi wabidong’i? Man eloko lembe ire kumae, Idh malu man lembe bed miero: e Yehova bimie i cing ubimo.

1 Ubimo 22:6

Ubimo mir Israel ulund ucoko jubila karacelo, calu dhanu dak ang’wen, man ewacu igi kumae, Abicidho kum Ramoth-gilead i lwiny, kadi abidong’i? Man giwacu kumae, Idh malu; kum Rwoth bimie i cing ubimo.

Zaburi 44:2

Iriemo thek woko ku cingi; Ento gin re ipidhogi: Isendo kodhidhanu; Ento gin imoyogi mba mba.

Zaburi 78:55

Eriemo thek woko bende i wang’gi, Man epokogi ni aba ku thol, Man eketho suru mir Israel gibedo i hema migi.

Poi Mi Cik 7:2

man kinde ma Yehova Mungu peri bimiogi i weng’i, man ibigoyogi; dong’ inyothgi pet: kud itim lembariba kugi, kadi kud inyuth kisa igi;

Poi Mi Cik 9:3

Ka kumeno ng’ei tinimi, nia Yehova Mungu peri en e ng’atu m’ukadhu i weng’wu calu mac m’uwang’; ebinyothogi, man ebidiogi piny i weng’i: kum kumeno ibiriemogi woko, man ibiketho ginyothri pio, calu Yehova yero iri.

Jupoklembe 1:3

Man Yuda wacu ni Simeon m’umin mire kumae, Waidh malu wakudi i makapiny para, kara wakied ku Jukanani; e an bende wabicidho wakudi i makapiny peri. Kum kumeno Simeon gicidho gikude.

Jupoklembe 1:5

Man ginwang’u Adoni-bezek i Bezek; e gikiedo kude, man gigoyo Jukanani ku Juperizi.

Jupoklembe 11:32

Kum kumeno Yeftha kadhu lokaca ba nyithindho mir Amon nikiedo kugi; e Yehova kethogi i cinge.

Jupoklembe 3:5

E nyithindho mir Israel gibedo i kind Jukanani, ku Juhiti, man Juamori, man Juperizi, man Juhivi, ku Jujebusi:

1 Samwil 11:8

Man ekwanugi i Bezek; e nyithindho mir Israel gi rubanga dak adek, man dhanu pa Yuda gi rubanga pier adek.

1 Samwil 14:10

Ento tek giwacu kumae, Wuidh malu i bang’wa; wabilund idho malu; kum Yehova miogi i cingwa: man maeni bibedo giranyutha iwa.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.