Jupoklembe 1:12 - The Holy Bible In Alur (Lur) Revised Orthography

¹² Man Kaleb uwacu kumae, Ng’atu m’ugoyo Kiriath-sefer, emake de, abimio ire Aksa ma nyara ire ni dhaku.

Jupoklembe 1:12 Iomraidhean Croise

Zaburi 60:9

Ng’a ma bikela i adhura ma teki? Ng’a m’utela bang’ Edomi?

Yeremia 29:6

Wugam mon iwu, man wunyol nyithindho ma co ku nyithindho ma nyir; wugam mon de ni wotwu, man wumi nyigwu ni co, kara ginyol nyithindho ma co ku nyithindho ma nyir: man wumedru kuca, man kud wujwiki.

Yocuwa 15:15

Man eidho malu ku keca kum ju m’ubedo i Debir; nwang’u naka nying’ Debir en e Kiriath-sefer.

Jupoklembe 1:11

Man ku keca ecidho kum ju m’ubedo i Debir. (Nwang’u nying’ Debir naka Kiriath-sefer.)

Jupoklembe 1:13

Man Othniel ma wod Kenaz, m’umin Kaleb ma nok, umake: e emio ire Aksa ma nyare ni dhaku.

1 Samwil 17:25

E dhanu mir Israel giwacu kumae, Wuneno ng’atu maeni m’uwodhre? ewodhre kara ecai Israel andha: man ebibedo, nia ng’atu m’unege, ubimo bilonye ku lonyo ma dit, man ebimio ire nyare, man ebiketho ot pa won ubed agonya i kind Israel.

1 Samwil 18:23

Man jutic pa Saul giyero lembe maeni i ith Daudi. E Daudi wacu kumae, Bedo jalwod ubimo en e lembe ma nok kud i weng’wu, kum an a ng’atu ma jacan, man jufoya hai ungo?