Daniel 7:4 - The Holy Bible In Alur (Lur) Revised Orthography

⁴ Ma kwong’ane calu umvor, man ebedo ku bomb acur: aneno maram bombe luny ko, man juting’e malu kud i ng’om, juketho ecungo wi tiende ario de calu dhanu; man maram jumio ko ire adunde dhanu.

Daniel 7:4 Iomraidhean Croise

Yeremia 4:7

Umvor uai malu kud i susu m’i luli pare, man janyoth mi thek; eni i yo pare, eai kud i kakare kara edwok ng’om pari ni uvuru kara judwok adhura peri ni uvuru, ma dhanu mbe i ie.

Ezekiel 17:3

man iwac kumae, Rwoth Yehova wacu kumae: Acur ma dit ku bombe m’ulwar man bombe ma bor, yuke de dupa, ma kite tung’ tung’, ubino i Lebanon, man egamu lwith musonge:

Matayo 24:28

Ka ma tek avu ni i ie acuth bicokri karacelo kakeca.

Daniel 4:36

I nindo maeca ng’eyothlembe para dwogo i bang’a; man pi dwong’ mi ker para, yung para ku rieny de dwogo i bang’a; man juporlembe para ku judongo para giyenyo i bang’a; e abedo tek i ker para, man dwong’ ma dit umedre ira.

Ezekiel 28:9

Ibiwacu asu i wang’ ng’atu m’unegi kumae, An a Mungu, ento in i dhanu, Mungu ngo, i cing’ ng’atu m’utong’o lero i kumi.

Ezekiel 28:2

Wod dhanu, wac ni jaditmawijo mi Turo kumae, Rwoth Yehova wacu kumae: Kum adundeni tingre malu, man iwacu kumae, An a mungu, abedo wi kom pa Mungu, i die nam; ento in i dhanu, man Mungu ngo, kadok iketho adundeni calu adunde Mungu;

Ywak 4:19

Ju m’uriemowa gi jung’wec ma sagu acur m’i polo: Giriemowa wi gudi, gikanu adhi iwa langa.

Yeremia 48:40

Kum Yehova wacu kumae: Nen, ebiringo calu acur, man ebirieyo bombe kum Moab,

Yeremia 25:38

Eweko kapondo pare, calu umvor; kum ng’om migi doko ni wang’uic, ni kum kwinyo mi palamularu m’ubesendo, man kum ng’ecwiny pare ma lake tek.

Yeremia 4:13

Nen, ebiidho malu calu afuru, man magali pare bibedo calu atido: riuni pare gi jung’wec ma sagu acur. Can i wiwa! kum wanyothra.

Zaburi 9:20

Nyai lworo i igi, E Yehova: Wek thek ging’ei gigi nia gi dhanu kende. [Sela.

Kitabu Pa Yob 25:6

E ka dhanu, ma en e ukoko ke nenedi! Man wod dhanu, ma en e ukoko!

2 Samwil 1:23

Saul ku Yonathan gi weg mer, man gi ber i bedo migi, Man gipokri ngo i tho migi: Kumgi yot mi ringo ma sagu acur, Gi tek ma sagu umvor.

Poi Mi Cik 28:49

Yehova bikelo thek i kumi ku bor, kud i tung’ ng’om, calu acur m’uberingo; thek m’ibiwinjo dhoggi ngo;

Lembanyutha 13:2

Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit.

Daniel 7:5

Man nen, yedi mange, mir arionde, calu wai; man etingre malu wi ng’ete kurucel, man wel ng’et adek ni i dhoge i kind lake: e giwacu ire kumae, Ai malu, cam ring’o dit.

Yeremia 49:19

Nen, ebiidho malu calu umvor ku i kuhaya mi Yordan kum kabedo ma tek: kum abiketho gipiei kud i bang’e pio; man ng’atu ma tek jugoyo wie, abiketho ng’atuca i wie: kum ng’a ma calu ani’ man ng’a ma biketho ira nindo’ man ng’a ma jakwac ma bicungo i wang’a?

Daniel 2:38

man ka ceke ma tek nyithindho mi dhanu bedo i ie, yedi m’i thim ku winyo m’i polo emio i cingi, man eketho icamu ker i wigi ceke: in i wie mi mola ma kwar.

Daniel 7:12

Man pi dong’ yedi m’udong’, bimobim migi jukabu woko: ento nindo mi bedo migi jumedo mi oro man nindo.