Filipi 2:11 - Uisneno In Kabin ma Prenat: Rais Manba'an Fe'u nok Reta' Ahun-hunut

¹¹ Ma of areꞌ kanan mansian anmanauk ein am nak, “Yesus Kristus naan, ꞌNakaf ma Usif batuur-batuur!” Nok ranan naan, sin naikas, nboꞌis ma npures Uisneno In pinan ma krahan.

Filipi 2:11 Iomraidhean Croise

Naiꞌ Mateos 10:32

Rarit Naiꞌ Yesus naꞌuab anteniꞌ mnak, “Tuaf reꞌ nabrain he nmanakuꞌ Kau nbi too mfaun ein sin humak ma sin maatk ein anbi pah-pinan ia, Au of aꞌmanakuꞌ ma uhiin je msaꞌ ꞌbi Au Amaꞌ abit sonaf neno tunan am ꞌak, ‘Tuaf reꞌ ia, Au Iin ja, tua.’

Naiꞌ Lukas 2:11

Rais reko ia nak on nai: Neno ia, anbi Betlehem, et usif naiꞌ Daut in kota naan, anmuiꞌ naan bifee jes nahoniꞌ nrair Kristus! Kristus naan, Tuaf reꞌ Uisneno nbaꞌan nain Je naꞌko afi unuꞌ. Uisneno nreek haefn Ee neem, he nsoi nafetin tuaf naꞌko sin saant am penu sin! In reꞌ ia, reꞌ of tuaf anteek Ee nak, ‘Usiꞌ’, fin areꞌ prenat, In es reꞌ annaaꞌ sin!

Naiꞌ Yohanis 12:42

Maski on naan amsaꞌ, mes too mfaun ein anpirsain Naiꞌ Yesus. Ka suma atoin biasa fa nmees, mes anmuiꞌ atoin Yahudis sin aꞌnaet ma kaes kouꞌn ein bian reꞌ npirsai Je msaꞌ. Mes sin ka nmanakuꞌ fa Naiꞌ Yesus anbi too mfaun ein sin humak ma sin matak, natuin sin namtaun, of atoin Farisis sin anriuꞌ napoitan sin naꞌkon uim onen.

Naiꞌ Yohanis 13:13

Hi mroim he mteek Kau mmak, ‘Aam Tungguru’ ma ‘Usiꞌ’. Naan pantas, natuin Au on reꞌ naan.

Naiꞌ Yohanis 13:14

Mes karu hi Tungguru ma hi Usiꞌ reꞌ ia, nafanu nrair hi haem ein on reꞌ aan renuꞌ-aan reek es, on mee nok ki? Hi ro he mtuthae es nok es amsaꞌ, on reꞌ: hi ro he mifaun es nok es in haek ein amsaꞌ.

Naiꞌ Yohanis 14:13

Hi reꞌ mmafuut mok Kau, mmuiꞌ hak he meik Au kanak. Onaim karu hi mꞌonen he mtoit saaꞌ-saaꞌ ahaa, meik Au kanak, Au of aꞌmoeꞌ je ꞌeu ki. Nok ranan naan, Au ꞌaikas uꞌrat-ratan Au Amaꞌ, maut he mansian ii arsin nahinin.

Naiꞌ Yohanis 14:23

Naiꞌ Yesus nataah am nak, “On nai. Tuaf reꞌ nneek Kau, in of anmoeꞌ natuin Au Uab ein. Au Amaꞌ nneek ee msaꞌ. Rarit Au ma Au Amaꞌ mmoin nekaf meseꞌ mok ne.

Naiꞌ Yohanis 17:1

Naiꞌ Yesus naꞌuab anrair on naan ate, In nkisu nꞌain neon goe tnanan, rarit anꞌonen, am nak: “Aam Honiꞌ. Au oors ii antea goen, he Ho mait muꞌrat-ratan Kau. Au reꞌ ia, Ho Anah. Ho mfee mrair Kau hak he ꞌator mansian pah-pinan ia ok-okeꞌ. Ho mfee hak naan, maut he Au ꞌfee ꞌmonit reꞌ amneot ma amnonot reꞌ ka natfeek niit fa, neu areꞌ tuaf reꞌ Ho mnonaꞌ ma mfee sin anjarin Au ngguin. Onaim oras ia, Au ꞌtoit he Ho mait muꞌrat-ratan Kau, maut he Au bisa ururuꞌ ma ukriraꞌ Ho pinam ma kraham.

Naiꞌ Yohanis 20:28

Naiꞌ Tomas nataah am nak, “Usiꞌ! Oras ia au ꞌpirsai batuur! Ho kuum reꞌ ia, es reꞌ au Usiꞌ ma au Uisneno msaꞌ!”

Naiꞌ Yohanis 5:23

Au Amaꞌ nroim he mansian ein arsin anhormaat Kau, nahuum on reꞌ sin nhormaat Ee. Fin atoniꞌ reꞌ ka nhormaat Kau fa, In Anah reꞌ ia, in ka nhormaat fa Au Amaꞌ reꞌ nreek haefan Kau msaꞌ.

Naiꞌ Yohanis 9:22

Sin naꞌuab ein on reꞌ naan, natuin sin namtausan atoin Yahudis sin aꞌnaet ein. Natuin sin nahinin nak, aꞌnaet ein naan anmaꞌakoran am nak, “Karu nmuiꞌ tuaf anmanakuꞌ mnak, Naiꞌ Yesus naan, es reꞌ Kristus, hai ro he mriuꞌ mipoitan tuaf naan naꞌko hit atoin Yahudis hit uim onen.”

Haef ein sin Retaꞌ 10:36

Hi mihiin saaꞌ reꞌ Uisneno natoon anrair je neu kai too Israꞌel, nak In nsonuꞌ anrair Kristus, es reꞌ Naiꞌ Yesus. Ma Naiꞌ Yesus naan anmaet he narameꞌ mansian ii nok Uisneno. Ma In anjair Aꞌnakat neu mansian ii ok-okeꞌ.

Haef ein sin Retaꞌ 2:36

Es naan ate, hi atoin Israelas arki ro he mihiin batuur anmatoom nok Naiꞌ Yesus reꞌ hi mkuus miis Ne naan. In es reꞌ Kristus, reꞌ Uisneno npiir nain Je naꞌko un-unuꞌ, ma In njair Aꞌnakat neu kit amsaꞌ.”

Roma 14:11

Matuꞌi naꞌko unuꞌ anbi Suur Akninuꞌ Uisneno mnak, “Hit Usiꞌ kuun es neikn On natoon am nak, ‘Mansian ii ok-okeꞌ of naꞌruir ein ma nriꞌtuun he naꞌbesan Kau, ma nakriir ein rais hormaat neu Kau. Tuaf meseꞌ-meseꞌ of anpaek sin feefk ein he nꞌau ma nmanauk ein, am nak, Au ꞌjair sin Usif, natuin Au reꞌ ia, Uisneno.’ ”

Roma 14:9

Es naan ate Kristus anmaet, rarit anmoni nfain. In nmoeꞌ on naan he In bisa njair Usif neu amaets ein, ma neu tuaf-tuaf reꞌ anmonin feꞌe msaꞌ.

Roma 15:9

Nok ranan naan, areꞌ pah bian reꞌ ka Yahudis fa, naikas ma nboꞌis Uisneno. Fin sin nahinin nak, In nkasian kit ok-okeꞌ. Naan on reꞌ kaꞌo Daut antui nain je naꞌko unuꞌ nbi Suur Akninuꞌ mnak, “Es naan ate au he ꞌaikas uꞌrat-ratan Ho kaanm aan, ꞌeu uuf am pah bian sin, tua. Au he ꞌsii siit pures ma boꞌis ꞌeu Ko, ꞌbi pah bian sin huumk ein ma sin maatk ein, tua.”

1 Korintus 12:3

Es naan ate, au ꞌroim he hi mihiin am mak, ka neu fa tuaf reꞌ anmafuut nok Uisneno In Asmaan Akninuꞌ reꞌ nak, “Kasat neu Yesus naan!” Ma ka neu fa tuaf reꞌ ka nmafuut fa nok Uisneno In Asmaan Akninuꞌ nak, “Naiꞌ Yesus naan, au Usiꞌ!”

1 Korintus 15:47

Mansian ahunut anbi pah-pinan ia, anmoeꞌ je naꞌko auf afaꞌ. Mes reꞌ no nuan ii, es reꞌ Kristus reꞌ neem naꞌko neon goe tnanan.

1 Korintus 8:6

Mes neu hit arkit, Uisneno suma meesꞌ aah. In reꞌ naan, hit Amaꞌ. Areꞌ saaꞌ-saaꞌ ii naꞌuun ma naꞌbaꞌan naꞌko Ne. Hit tmoeꞌ areꞌ saaꞌ-saaꞌ ii teu Ne. Ma hit Usiꞌ, suma meesꞌ aah. Es reꞌ, Yesus Kristus. Uisneno npaek Naiꞌ Yesus, oras In nmoeꞌ areꞌ saaꞌ-saaꞌ ii. Ma hit tmoin, natuin Naiꞌ Yesus es reꞌ anfee kit aꞌmonif.

1 Naiꞌ Petrus 1:21

Natuin Kristus anmoeꞌ on naan, hi bisa mpirsai Uisneno. Fin In namonib nafaniꞌ Kristus, ma naikas naꞌrat-raatn Ee. Uisneno nmoeꞌ on naan he hi mpirsai Je, ma mifnekan he In nmoeꞌ natuin saaꞌ reꞌ In anbaꞌan nain je.

1 Naiꞌ Yohanis 4:15

Ansuun-suun tuaf reꞌ anmanakuꞌ mnak, Naiꞌ Yesus naan, Uisneno In Anah, in nmoin reko nok Uisneno, ma Uisneno nmoin reko nok ne msaꞌ.

1 Naiꞌ Yohanis 4:2

Hit bisa tahiin haan beno reꞌ batuur-batuur neem naꞌko Uisneno In Asmaan ee, on nai: Uisneno nbaꞌan nain naꞌko unuꞌ he nreek neem In Anah neu pah-pinan ia. Karu tuaf reꞌ neik haan beno naan anmanakuꞌ mnak, Yesus Kristus naan batuur-batuur Uisneno In Anah reꞌ njair mansian on reꞌ hit, in haan beno naan, ro batuur neem naꞌko Uisneno.

2 Naiꞌ Yohanis 1:7

Aputa-kriut amfaun annaon nfuun am nateef anbin pah-pinan ia. Sin nanoin ein neu tuaf am nak, Yesus Kristus neem anbi pah-pinan ia, mes In ka mansian batuur fa. Sin nputa-kriun amsaꞌ, reꞌ nraban Kristus, ma ka nromin fa he ntoupun nak, Naiꞌ Yesus naan es reꞌ Kristus, Tuaf reꞌ Uisneno npiir nain Je naꞌko unuꞌ.

Rasi Mnitas neu naiꞌ Yohanis 3:5

Sekau naran ma natuin Kau tar antea nmaet, in of anpaek paek mutiꞌ. Au ka ꞌnoes fa in kanan naꞌko surat reꞌ matuꞌi naheun nok kanaf naꞌko tuaf-tuaf reꞌ anmonin nabar-baar nok Uisneno. Au of aꞌmanakuꞌ msaꞌ ꞌbi Au Amaꞌ In human ma In matan, ma Amaꞌ In ameput sonaf neno tunan, nak in reꞌ naan, Au ngguin.