Jems 5:3 - God so Sokior-ok Iwon

³ Hmo ihey mo mein-owon gol, silva mokwe luw loro. Hmo gol, silva, luw ma loro somokwe, hmo yor iha lopa ma lwak sohokiaw mesair kumay kow ey. Seyr luw somokwe ya ke hieyn lousne nok, hmo owh se loum-pru kawk ok. Payhokuaw, homkwe enekwei pariawey-ar hiy lousne ohriar ma lwak ohokwe, homkwe omeme kraiar papo kawk pipi-yay ie.

Jems 5:3 Iomraidhean Croise

Aposel 2:17

‘God hiykwe senkin me: Enekwei pariawey-ar hiy lousne ohriar lwak ankin, hakwe hano Niohney Pekney-weys se maka-swa-nonyay kow ey, uwrsa lowpwarowp me kokwe. Hmo ney norwayo, swanyo, homkwe hano ok mokwe profet me hieyn liarok mesor kow ey. Seyr hmo nyo warkiayr homkwe owhnan mokwe hmo nene arian non now me hieyn lira ey. Seyr hmo uwr nawp homkwe now-ar liawon ira ey.

Pol so mamey, sios Rom ko se ma mey hok non 2:5

Sawk hno uron ma piar kraiay o, seyr hno uron ma kankoum sow lopa o, God so aw-mar ke ayaw-ar nuw-mon pipi-yay ie. Hyo aw-mar sohokwe hiykwe eypok pariawey-ar sok mon ousne hrahra ha ey, enekwei hiy hyo mesor anon-anon-ok luw-luw-aw lowpwarowp me mesair non.

2 Timoti 2:17

Oksi oksi senkin me ma hiy-mon sorasor somokwe, kuor aiopey-hay, pion me ma loum sopok say ke hieyn. Uwr prueysyar oksi oksi senkin me ma hiy-me-sorasor mokwe Himeneus, Filetus leys.

2 Pita 3:3

Peyr homkwe senkin kwa nonkway pie, enekwei pariawey omokwe lourde-uwrsa hmo lira way yor piap-araw arian me ma pyay homkwe ya lousne sa-ousne a. Homkwe hme lourde ey,

Mesair Hrahra Ha Ok 17:16

Seyr kon iha seys o, ay piap-araw o, hwon ma lira somokwe, yokun-nweyh-kane-sa ipey-ar ke awnie awnie-aw lira ey. Homkwe omeme lowpwarowp hok ma nak-wayr seme lopri lowpway ey, seyr hoke kokwe apaw-aw isay wak ey. Homkwe hoko opion me kros-a nok, hoke ya mon nak-nwaws oum-pru kawk lowpway ok.

Mesair Hrahra Ha Ok 20:15

Seyr uwr prueyn so uru mamey, su lwayr peyow peyow ey mon ma mey lopa hokwe, howk ya non mon lway swakawk.

Mesair Hrahra Ha Ok 21:8

Sawk uwrsa, low me ma hok o, uwrsa Jisas se ma nan kiykiy-ay lopa o, uwrsa yor piap-araw senkin senkin me ma mon sohom o, uwr, uwrsa har me ma lokin kwor o, uwrsa yokun-yor uwrsa me nion ma non-nweyh kane sohom o, uwr nokous-mey ma meio o, uwrsa, okrei-god me ma nakyas o, uwrsa okrei-ok ma mesor o, uwrsa senkin sohom mo yier hokwe, howk-ya aiopey hay mein-salfa non hok ma loum mon lwak ey. Sohokwe lokrue meyki ko hok non.”