Jems 5:11 - God so Sokior-ok Iwon

¹¹ Uwrsa, ma nakrok kraiay somokwe hromkwe senkin me, homkwe God so uron ihey-ar so ouon mon lwak. Homkwe Jop so lorok kraiay yor kokwe papo lonuayk, seyr mey yaprue, hyo low so meyki mon, Hakamay hiy ma hiy-meio popriy hokwe homkwe papo nak-nonkway. Payhokuaw, Hakamay so nan ihey yor o, uron lowk yor o, woki nuw-wak.

Jems 5:11 Iomraidhean Croise

Matyu 10:22

Uwrsa homkwe hne kokwe awnie awnie-aw lira ey, hano uru se hokuaw kokwe. Sawk uwrsa hane senkin-awaw nan kiykiy-ay kraipakrai lorok ankin, enekwei pariawey-ar hiy lousne, God hiykwe uwrsa seme-aw huonokyaw prosue ey.

God so ok-ihey Luk hiy ma mey hok non 1:50

Sawk hyo uron lowk yor hokwe uwrsa hye ma hok nanpanan, hmo ney-nona mo owh mon lwak peyow peyow ey. Sng 103:13,17

God so ok-ihey Luk hiy ma mey hok non 11:10

Payhokuaw, unsaney posokwaw mesopok e, liy lonok. Unsaney posokwaw pawk e, liy lirway. Seyr unsaney posokwaw lokin koko e, yerki-pokre ke liy kampi kow.

God so ok-ihey Luk hiy ma mey hok non 6:36

Homkwe uron kwa lowk, hmo Aio hiy uron ma lowk, senkin.”

Pol so mamey, sios Rom ko se ma mey hok non 2:4

Hmey, senkin pak, hunkwe God so hiymon-yor kraiar o, uwrsa piap-araw me enekwei meipey ipan lwak yor o, hreme meinkiowp ma naruok yor o, somokwe hunkwe me-piap-ma-piap. Hunkwe nonkway lwak e, God so hiymon yor yaprue kokwe, hreme yerki uron kankoum sow ey mon hiy-anok anok nok.

Efesus 1:6

Hromkwe God se lowk nakie e, hiy hyo maym panpaniowni non hreme hyo ney arian so kueir non puraw ma kow se. Hyo maym hokwe hremekwe ipey-ar po nuw-kow, hyo ney arian, hiy uron-pi ko-ar ma nuw-wak so ouon mon kokwe.

Efesus 2:4

God so uron lowk yor ipey-ar ma lwak hokwe, hiykwe hreme kokwe hyo uron-pi ko-ar yor aiopey hay se po mesair kow.

Hibru 10:39

Sawk hromkwe uwrsa, God se meyki ma kankoum sow hain me ma mon piapay me hieyn korey. Sawk hromkwe senkin, hromkwe nanpanan kiykiy-ay yor non, seyr hreme kokwe God hiy po me-huonok prosue.

Hibru 3:14

Suw senkin, hromkwe ok, hrom ma nan kiykiy-ay pie kokwe, senkinaw-aw nuw-nakruok kraiay ankin, enekwei pariawey hiy nuw-ousne, hromkwe Krais se nion non-wawwaw onok wayr ey.

Hibru 3:6

Sawk Krais, hiy God so a mon mey ma nanpanan hiymon kraiay wayr hokwe, hiykwe God so ney-ar se hieyn meio. Sa hyo a hokwe, mo hromkiaw, hrom hok lopa lorok kraiay ankin, seyr hrom omeme, hiy ma me-loray seme uron hyohyo lon ankin.

Jems 1:12

Sawk hunkwe hne ma leykawn se lorok kraiay ankin, hunkwe God so uron ihey-ar so ouon mon lwak. Payhokuaw, hunkwe hne ma mon eykawn se makuayk pa lwak ankin, hunkwe makwey-kokway lwayr peyow peyow ey kokwe liy lonok nak-wayr, God hiy uwrsa, hye uron-pi ko-ar ma lwak me ma me-loray sokwe.

Jems 1:2

Hano wayh-om, low senkin senkin hmo owh mon lousne ankin, homkwe kar nonaw kwa nanpanan onok wayr.

1 Pita 1:13

Sohiy so hokuaw kokwe, hmo mawkworom hom mey meio ey me kwa lonhan onhan koruay. Seyr homkwe homkiaw-ayay-aw yaprue kwa hiy-anok anok. Seyr homkwe God so maym, omok Jisas Krais hiy lousne hrahra ha non, hme kow ey ke uron hyohyo kwa lon prusow.

1 Pita 3:14

Sawk mo hwon, weyn yaprue me ma mon me aw nak-ok hi, hunkwe God so uron ihey-ar so ouon mon lwak. Hunkwe yor, uwrsa senkin hom ma hok me peie hok o, seyr uron peie lowk kworpakwor kawk o.

2 Pita 2:9

Paraw senkin lwak ankin, suw senkin mesair kow, Hakamay hiykwe yerki, uwrsa God se ma nanpanan me hmo leykawn ko me kahya prosue ey hokwe nonkway. Seyr hiykwe yerki, uwrsa luw-luw-aw ma lwak lopa me lomniy mamniy naruok wayr ey hokwe nonkway, senkinaw-aw, hme mesor anon anon enekwei hiy nuw-ousne.