Jems 1:25 - God so Sokior-ok Iwon

²⁵ Sawk uwr prueyn hiykwe God so sow mnow-mnow-aw, uwrsa me hror-say preisia kow ey sokwe nakruok swak ira ankin, seyr hiykwe senkin-awaw nakrok kraipakrai ankin, seyr ok, hiy ma lonuayk seme uron lorionay lopa, sawk senkinaw mon mokwe, uwr senkin sohiy so mey poya-poya mokwe, God so uron ihey-ar so ouon mon lwak.

Jems 1:25 Iomraidhean Croise

God so ok-ihey Luk hiy ma mey hok non 11:28

Sawk Jisas hiykwe sa sokwe senkin makiy-sahre mekow, “Uwrsa God so ok me ma lonuayk, seyr hyo ok ko meyki ma nakey, homkwe God so uron ihey-ar so ouon mon lwak.”

God so ok-ihey Jon hiy ma mey hok non 13:17

Homkwe ok seme papo kiy-nonkway. Sa homkwe nak-meio hrekawk hrekawk ankin, homkwe God so uron ihey-ar so ouon mon lwak.

God so ok-ihey Jon hiy ma mey hok non 8:36

Sawk God so Ney hiykwe hne hror-say preisia ha ankin, hunkwe hrahra-aw nuw-wak.

Aposel 13:43

Hokruw-enekwei so meyki mon hokwe, uwrsa homkwe kumay mon ley. Sawk Pol, Barnabas leys se kokwe Juda har o, uwr-kayn irweyk, God so meyki ma ley sohom o, hom pyay ha. Sa aposel prueysyar hohkwe, hme kokwe ok sor kow nok, hme senkin nak-me-kupaku, “Homkwe God so maym kow yor so ouon mon-aw kwa nuw-wayr.”

Aposel 2:42

Uwrsa somokwe ok aposel hom ma hiy-mon sorasor seme-aw lonuayk nanpanan wayr, seyr wayh-wayh me nion non-waw-waw hokruw yor ke nakruok kraiay. Ihey mo naw mokwe, homkwe uron kamon-aw-aw nuw-swa-hokruw kamane a wayr, seyr God se mesopok wayr.

Aposel 26:22

Sawk hane kokwe God hiykiaw po hiy-mon ihey ne, pokon eypok ohokwe hakwe uwrsa uru lopa o, uwrsa uru non o, hme erey sehe am-iarok mesor kumay kow. Hakwe ok, Moses o, profet o, hom ma me hain seme liy-liy-aw po mesor kow, senkin,

Pol so mamey, sios Rom ko se ma mey hok non 11:22

Hunkwe God so nan ihey yor o, hyo me-hripahri-ok o, seme kwa nanpanan. God so me-hripahri-ok kokwe uwrsa ma makuayk sakuayk me po mesair kow. Sawk hunkwe hyo nan ihey yor ke-aw nakruok ankin, hiykwe hnekwe hyo nan ihey yor kokwe senkinaw-aw mesair kow ey. Sa hunkwe God so nan ihey yor ke lokriy hain ankin, hnekwe nekie kampwa lway swasow.

Pol so mamey, sios Rom ko se ma mey hok non 2:13

Payhokuaw, uwrsa Moses so sow me kwahnaw ma lonuayk, sawk meyki nak-pyay lopa me kokwe, God hiykwe luw-luw-aw-ok liy me ley. Sawk uwrsa, sow lowpwarowp God hiy Moses se ma kow seme ma lonuayk pyay meio wayr mokwe, God hiykwe hme-aw luw-luw-aw-ok me ey.

Pol so mamey, sios Rom ko se ma mey hok non 7:12

Suw senkin, God so sow hokwe pekney-weys. Seyr hyo me-kupaku-ok hokwe pekney-weys, luw-luw-aw, seyr yaprue ihey.

Pol so mamey, sios Rom ko se ma mey hok non 8:15

Payhokuaw, Niohney hne ma kow hokwe, hne mey-uwr puraw se hieyn mon meio sese yay niohney korey, seyr hne mon hok-a-hok niohney korey. Sawk Niohney, God hiy hne ma kow hokwe, hnekwe God so ney mon wak. Sa Niohney sohiy so krai non kokwe hromkwe senkin lokre me, “Aio, hano Aio!”

Pol so mamey, sios Rom ko se ma mey hok non 8:2

Payhokuaw, Krais Jisas se hokuaw kokwe, niohney so sow su ma mon wayr ey hiykwe hane kokwe sow, yor piap-araw ko o, lokrue ko o, sohom mo ouon ko me po kahror preisia ha.

1 Korin 15:58

Hano wayh ihey-ar om, seme hokuaw kokwe, kwa lorok kraipakrai, homkwe eriey ley, erey le, peie ley o. Hakamay so mey me-aw kwa nuw-meio wayr-wayr, payhokuaw, homkwe po nuw-nonkway, Hakamay so mey hom ma meio somokwe, ayay leip lopa liy lwak ley.

2 Korin 13:5

Hom hmo nanpanan kiykiy-ay yor mon ma lanio se lira nonkway ey hokwe, homkwe homkiaw-ayay-aw kwa nak-mon ir, seyr homkiaw-ayay-aw kwa nak-ira anon anon. Hai, Jisas Krais hiy hmo uron mon ma lwak hokwe, homkwe korey nonkway pey? Sa homkwe nonkway pa lwak ankin, suw senkin mesair kow, homkwe papo makuayk.

Galesia 2:4

Hromkwe lei ampru ok sokwe lohruw-a, payhokuaw, uwr har, kristen-ok ma me homkwe hromo ompok mon ouon-aw po mon loior ne, sawk homkwe kristen korey. Homkwe hromo yor, Krais Jisas hiy hrome ma preisia kow ha ke lira nonkway sue e le. Seyr uwr sohom mo uron mokwe senkin nan, Juda mo sow penkin me e, hromkwe hmo meyki-aw pyay e, seyr hmo mey-uwr puraw lwak e.

Galesia 5:1

Krais hiy hreme ma hror-say preisia ha so meyk-ar hokwe senkin, hromkwe liaup-uwr, hreme me-sasay meio ey lopa lwak e. Homkwe sehe hokuaw kwa lorok kraipakrai, seyr homkwe homkiaw-ayay ipan peie lon kow o, sow sohom mo mey-uwr puraw ma-lousne e.

Galesia 6:2

Homkwe hmo kristen-wayh mo low me homkiaw-ayay eysawk eysawk kwa hiy-way. Hom senkin lon ankin, homkwe Krais so sow hrawey hrawey ke lonuayk me meio.

Kolosi 1:23

Sawk homkwe hmo nan kiykiy-ay yor ke kwa nakruok wayr. Yor sokukwe meyk ka loksow, seyr ka lorok kraipakrai wayr. Homkwe hyohyo lon yor, hom ok-ihey ke ma lonuayk non ma lonok kokwe, peie lokriy ha o. Ok-ihey sokwe hokuaw kokwe, Pol hakwe, mey-uwr sehe lwak. Ok-ihey sokukwe uwrsa lowpwarowp kipay lowpwarowp ko me po mesor kow.

1 Timoti 2:15

Sawk God hiykwe sa me ya huonokyaw prosue a, ney kekie mey ko kueir nonaw, seyr homkwe nan kiykiy-ay yor o, uron-pi ko lwak yor o, yerki yaprue nonaw pekneyweys lwak yor o, somokwe nak-mon nakyas nonaw lwak ankin.

1 Timoti 4:16

Hno liwak yor o, hno hiy-mon sorasor yor o, somokwe hunkwe iray-iray non-aw kwa nak-wak, seyr senkinaw kwa lorok meio kraipakrai. Payhokuaw, hunkwe senkin meio ankin, suw hne nian o, uwrsa hne ma lonuayk sohom o, God hiykwe ya huonokyaw prosue a.

Hibru 12:15

Homkwe seyr iray-iray nonaw seme lwak e, sa hmo prueyn hiy God so maym kow yor ke meyki kankoum sow hain lak, seyr hmo prueyn hiy pan piap-araw ke hieyn lwak lak. Sa hyo i piap-araw homkwe hmo kraiar me mon orki-orki lak.

Jems 2:12

Ok lowpwarowp hwon ma lohruw-a o, mey lowpwarowp hwon ma meio o, hunkwe senkin kwa nanpanan: God so sow uwrsa me preisia hrorsay kow ha ey hokwe, hne lira mesor anon anon ey.

1 Pita 2:16

Homkwe uwrsa, God hiy ma hror-say preisia ha me hieyn kwa lanio sayok. Sawk hme ma hrorsay preisia kow ha sokukwe, sa yor piap-araw mokwe, sohiy non peie nak-ian kre-a-kre mon sue o. Seyr homkwe God so mey-uwrsa me hieyn-aw kwa lwayr.

1 Jon 2:24

Ok, hom peyr-mon ma lonuayk pie kokwe, hmo uron mon senkin-awaw kwa nakruok wayr. Ok sokukwe hmo uron mon lwak ankin, homkwe Aio o, Ney o, hehe nion senkinaw non-okin nasay ey.

Mesair Hrahra Ha Ok 14:13

Ha sa wouk-ok kamon nonkumey ko hok senkin me ke lonuayk, “Kwa kiy-mey, senkin: Pokon ohiy kiy-nuw-hohyay pie. Unsaney, Hakamay se hokuaw ma lokrue homkwe, God so uron ihey-ar so ouon mon lwak.” Niohney hiy kiy-onuayk-me, “Okar-ar, homkwe mey, hom kruayk ma meio eme hokuaw mokwe, kar nonaw liy nak-iwak nieys ihey, payhokuaw, mey hom ma meio lowpway somokwe, hme nion noney wayh-wayh.”

Mesair Hrahra Ha Ok 22:14

Uwrsa hmo klos me ma peyryapeyr mnow-mnow homkwe God so uron ihey-ar so ouon mon lwak. Su lwayr peyow peyow ey so now-i mokwe, homkwe liy la. Seyr homkwe yier aiopey so yerki-wouk mon liy lyawriy.