Jems 1:21 - God so Sokior-ok Iwon

²¹ Ama, hakwe hme senkin sehe me, homkwe hmo weynpaweyn orki non o, yor piap senkin senkin o, somokwe kwa nas say lowpway. Sawk God so ok, hme me-huonokyaw prosue ey, hmo uron mon ma saro mokwe, homkwe uron kopowrie nonaw kwa lonokyaw.

Jems 1:21 Iomraidhean Croise

Matyu 5:5

Unsaney, hmo uru arian me lowk nakie pa ma lwak somokwe, God so uron ihey-ar so ouon mon lwak. Payhokuaw, God hiykwe ki lowpwarowp mokwe hme kow e po me-iaup koruay. Sng 37:11

God so ok-ihey Jon hiy ma mey hok non 6:63

God so Niohney hiykwe su lwayr ey se kow. Sawk iwar mo owhi so krai mokwe hreme liy hiy-mon ley. Ok, ha hme ma mesor kow mokwe, Niohney so, seyr su lwayr.

God so ok-ihey Jon hiy ma mey hok non 6:68

Sawk Saimon Pita hiykwe hyo ok ke senkin ma-sahre onuayk me, “Hakamay, hai, hromkwe sawk poso owh mon ley a? Hunkwe mo su lwayr peyow peyow ihey ok non.

Aposel 10:33

Ara, hakwe sawk hne sehe saw-me-ha. Popriy-ar, hunkwe mo liy-ar le. Pokon ohokwe hrom lowpwarowp God so inour mon kiy-wak, God so ok me kiy-onuayk ley, ok lowpwarowp, God hiy hwon hreme mesor kow ey me, hne ma me-kupaku seme.”

Aposel 13:26

Hano wayh-om, Abraham so ney-nona ama, hom o, uwrsa God so meyki ma ley sohom o, hom lowpwarowp kwa lonuayk: God hiykwe uwrsa me ma-huonokyaw prosue ok mokwe mo hreme po mekow.

Pol so mamey, sios Rom ko se ma mey hok non 1:16

Jisas Krais so ok-ihey okukwe hane mon owh-mar lopa. Payhokuaw, ok-ihey okukwe God so krai ipey-ar, uwrsa God se ma nan kiykiy-ay me ma-huonok prosue ey. Ok-ihey okukwe peyr Juda me huonokyaw prosue nok, hai, uwr-kayn irweyk me ma-nak-huonokyaw prosue ok.

Pol so mamey, sios Rom ko se ma mey hok non 11:17

Israel homkwe oliv-now wueir-ar mon ma saro se hieyn. Sawk oliv-now sohiy so kueim har mokwe papo nekie kama-pwa kuayk sakuayk. Sawk uwrkayn irweyk hunkwe, oliv-now sapa ko so kueim ke hieyn. Hnekwe ka-nekie kaun nok ok, oliv-now-ar so kueim mo yop-yop mon nak-saronay osi hor kraipakrai. Hunkwe sawk oliv-now-ar sohiy so nioh se non-owswa-liy kowp-kowp ie.

Pol so mamey, sios Rom ko se ma mey hok non 6:17

Okar, paraw homkwe yor piap-araw so mey-uwr lwak. Sawk enkin kokwe hakwe God se me-ihey, payhokuaw, homkwe hmo uron lowpwarowp non mokwe God so ok-ihey hme ma kow sokwe po lonuayk me.

1 Korin 15:2

God so ok-ihey ko kueir nonaw kokwe, hme po me-huonokyaw prosue. Homkwe ok-ihey, ha hme ma mesor kow me nakruok kraipakrai ankin, homkwe yaprue lwak ey. Senkin lon lopa lwak ankin, hmo nan kiykiy-ay yor mokwe, ayay leip lopa.

2 Korin 7:1

Hano wayh ihey-ar om, hromkwe God so me-loray-ok seme ma nakruok wayr me hokuaw kokwe, hromkwe hromkiaw-ayay-aw hawr mnow-mnow ihey e. Hromkwe omeme lowpwarowp, hromo owhi o, niohney o, seme ma mon or-pa-or me lokriy ha lowpway e. Sa hrom God se ma nak-hok se hokuaw kokwe pekney-weys-aw ka lousne sa-ousne lowpway.

Efesus 1:13

Ama, hom seyn, homkwe God so ok-ar-ok, hme ma huonok prosue ey ke lonuayk menkin, homkwe Krais se nion po non-okin nasay. Seyr hom Krais se ma nan kiykiy-ay mokwe, God hiykwe hyo Niohney Pekneyweys, hiy hme ma me-loray hokwe po kow, meir se hieyn. Meir sohokwe hom hyo uwrsa arian lwak ey hom non.

Efesus 4:22

Homkwe, “uwr nawp piap-araw” paraw-uh se kwa lokriy-ha. Payhokuaw, paraw kokwe homkwe “uwr nawp” sohiy so yor mon lanio, seyr hyo lira way yor, hme ma me-loior kow wayr mokwe, hme nian mon piapay wayr.

Efesus 4:25

Mo sehe, unsaney prueyn hiykwe hyo kristen-wayh se okrei-ok peie me-loior kow o. Sawk hiykwe ok-ar-ok me-aw kwa lohruw-a. Payhokuaw, hrom lowpwarowp kokwe Krais so owhi kamon-aw mon lwak.

Efesus 5:4

Seyr ok-piap-ok o, aw-ok-lowp o, seyr hekweyr-ok piap-araw o, seme peie lohruw-a o. Somokwe yaprue korey. Sawk homkwe God se-aw me-ihey e.

1 Tesalonika 1:5

Payhokuaw, God so ok-ihey hrom hme ma nake kow sokukwe, ok ke-aw me pa. Sawk hme kokwe krai non o, Niohney Pekney-weys non o, senkin mesor kow. Sawk homkwe hrom ok ihey sokwe ma nan kraiay mokwe papo lira. Homkwe nonkway, yor, hrom hmo ompok mon ma meio somokwe, hme hiy-mon now-a-now e meio.

1 Tesalonika 2:13

Hromkwe sawk enekwei enekwei God se kar nonaw sehe me-ihey. Payhokuaw, homkwe God so ok, hrom hme ma hiy-mesor seme lonuayk menkin, homkwe lonok kawk kreik. Homkwe ok sokukwe uwr mo ki ko ok ke hieyn lonuayk pa, sawk ok sokukwe God so ok-arar ke lonuayk onok kawk kreik. Ama, ok hrom ma mesor sokukwe, God so ok-ar, hmo uron Hakamay se ma nan kiykiy-ay mon ma meio hok non.

Taitus 2:11

Payhokuaw, God so maym kow yor, uwrsa me huonok prosue ey hokwe, uwrsa lowpwarowp mo owh mon kokwe kumay-ar po lousne.

Hibru 12:1

Uwrsa kraiar, hmo liwak yor, nan kiykiy-ay yor ke ma mesair kow homkwe, hreme nwakwon nwakwon ira. Sohiy so hokuaw kokwe hromkwe limon, hromo inour mon ma lwak sohokwe, sehe sau kraipakrai e. Hromkwe omeme senkin senkin hromo sau yor ke ma mon low-a-low sohom o, yor piap-araw hreme ma nekie prosue sohom o, seme nuw-mon-say lowpway e.

Hibru 2:3

Paraw senkin ma lwak hokwe, hai, enkin kokwe hrom God so huonok-prosue-mey aiopey hay ke hyaw lwak ankin, hromkwe perey hakan a? Huonok-prosue-mey sokukwe mo Hakamay hiykiaw nuw-me-sanion sow pie, seyr uwrsa hye ma lonuayk pie homkwe hreme senkin meio mesair kow, huonok-prosue-mey sokukwe mo okar-ar.

Hibru 4:2

Payhokuaw, God so ok-ihey kokwe hromkwe po lonuayk, paraw Israel hom ma lonuayk senkin. Sawk Israel hom God so ok ke lonuayk liok, ok sokukwe hme hiymon pa, payhokuaw, hom ma lonuayk mokwe, homkwe nak-nanpanan kiykiy-ay pa.

Jems 4:8

Ama, God so ohriar mon kwa le nene, God hiy seyn, hmo ohriar mon le. Uwrsa yor piap-araw non ama, homkwe hmo iha me kwa peyryapeyr say. Uwrsa, uron nareys non ama, homkwe hmo uron me kwa hawr mnow-mnow ihey.

Jems 5:20

uwr sohokwe, weyn yaprue-ar ke meio. Senkin kwa nonkway, hunkwe uwr senkin ma lour anyan se ma-me-samis prosue ankin, hunkwe hye kokwe lokrue yerki ko se ma-huonok prosue, seyr yor sokukwe weynpaweyn piap-araw kraiar me swakuwmay lop-a-lop lowpway.

1 Pita 1:22

Homkwe homkiaw-ayay po mon mnow-mnow ihey, okar-ok ke ma lonuayk me so kueir nonaw. Sa homkwe hmo wayh-wayh me okar yor nonaw, uron-pi ko-ar seme lwak. Sohiy so hokuaw kokwe, homkwe wayh-wayh me uron-pi ko-ar uron lowpwarowp non seme nuw-wak prusow e.

1 Pita 1:9

Payhokuaw, homkwe hmo nan kiykiy-ay yor mo meyk se lonok ey, suw hmo wa me ma huonokyaw prosue hom non.

1 Pita 2:1

Sei, homkwe yor piap-araw poya-poya hmo uron ko senkin me seme mon-say lowpway e: okrei-ok o, woki seys non lohruw-a yor o, lira way ompeys-mapeys yor o, har mo uru me me-piapmapiap yor o.

1 Pita 2:11

Hano wayh ihey-ar om, hakwe hmekwe hom ki erey uwrsa suwon me hieyn, seyr uwrsa yier meiaw mon ma lwayr nonwor onwor nok me hieyn, kiy-me-kraipakrai. Homkwe lira way yor piap-araw uron ko, hmo wa me aw ma lono me ipan peie lon kow o.