Jems 1:1 - God so Sokior-ok Iwon

¹ Hano wayh-om, eypok yaprue-ar. Hakwe Jems, hakwe God o, Hakamay Jisas Krais o, hoho mey-uwr. Mamey okukwe, hakwe Israel mo uwrku iha seys mu nareysyar non me mey kow, kipay meiaw ma lwayr nonwor onwor nok seme.

Jems 1:1 Iomraidhean Croise

Matyu 10:3

Prueyn hokwe Filip, prueyn hokwe Bartolomyu, prueyn hokwe Tomas, prueyn hokwe Matyu, takis lonok uwr. Seyr prueyn hokwe Jems, Alfius so ney. Prueyn hokwe Tadius.

Matyu 13:55

Hromkwe senkin nonkway, uwr sohokwe mo a meio uwr so ney. Hyo pouh ko sa-u kokwe Maria. Hokwe mo hyo pouh-ar. Seyr hyo nay-ih nayh mokwe senkin, Jems, Josep, Saimon, Judas.

Matyu 19:28

Sawk Jisas hiykwe hyo ki-wayh me senkin makiy-mekow, “Hakwe hme okar kiy-mekow, enekwei God hiy ki iwon se ma-monhre ousne ey hokwe, Uwrsa mo Ney hiykwe hyo sia-king panpaniowni non mon liwak ey. Seyr hom hane ma pyay seyn, sia-king iha seys mu nareysyar non mon liwak ey. Homkwe Israel mo uwrku iha seys mu nareysyar mo weynpaweyn me lira mesor anon anon ey.

God so ok-ihey Mak hiy ma mey hok non 3:18

Seyr Andru o, Filip o, Bartolomyu o, Matyu o, Tomas o, Jems o. Jems hiykwe Alfius so ney. Tadius o, Saimon o, hiykwe Selot mo uwr prueyn hiy non.

God so ok-ihey Luk hiy ma mey hok non 22:30

Homkwe ayay o, hu o, hano tebol mon liwak sir a ey, hano Wayr-hre-yier mon. Homkwe sia-king mon liwak sir ey, Israel mo uwrku iha seys me lira mesor anon anon ey hokwe.”

God so ok-ihey Luk hiy ma mey hok non 6:15

Matyu o, Tomas o, Jems, Alfius so ney o. Seyr Saimon o, hiykwe Selot mo uwr prueyn hiy non.

God so ok-ihey Jon hiy ma mey hok non 12:26

Hano mey ke posokwaw meio e, hiykwe hano meyki arian kwa pyay ha. Seyr ha yier perey lwak e, hano mey-uwr homkwe hane nion serey non-wak. Sawk hano mey ke posokwaw meio e, hano Aio hiykwe hye kokwe uru yaprue ihey-ar se kow ey.”

God so ok-ihey Jon hiy ma mey hok non 7:35

Wo, Juda mo uwr hakamay homkwe sa homkiaw-ayay senkin lohruw me, “Hai, hrom hye ma-lira lopa ey hokwe, yier perey ley ey so? Hiykwe hromo uwrku, kipay Grik mon ma lwayr nonwor onwor mon ley ey pak a, uwrsa serey ma lwak me hiymon sorasor e?

Aposel 1:13

Hom Jerusalem mon lyawriy nok, a-ampok ayaw ko homkiaw ma lwak nyanyaw mon ma-lie. Uwr a-ampok serey ma lwayr mo uru mokwe, Pita, Jon, Jems, Andru, Filip, Tomas, Bartolomyu, Matyu, Jems, hiykwe Alfius so ney, seyr Saimon, hiykwe Selot mo uwrku ko, seyr Judas, Jems so ney.

Aposel 12:17

Sa Pita hiykwe hme kokwe iha nonaw nakray nakray me-sous, hom woki prorpam lwak e. Sa hiykwe hme sehe mesor kumay kow, hye Hakamay hiy kalabus-a ko se ma huonok se. Pita hiy me, “Ok somokwe homkwe Jems se o, hromo wayh me o, seme kwa mesor kow.” Hiykwe senkin me hain nok, sa om kamon mon ley.

Aposel 15:13

Pol, Barnabas leys hoh non-mesor kow lowpway nok, Jems hiy senkin ma-sahre mesor, “Wayh-om, homkwe hano ok me kwa lonuayk e.

Aposel 15:21

Payhokuaw, hromkwe nonkway, paraw-ar o, pokon ohiy o, Moses so sow mokwe Juda mo hokruw-a mon lira mesor wayr-kawk wayr-kawk wayr, sabat-enekwei lowpwarowp mokwe. Seyr uwr homkwe Moses so ok me yier lowpwarowp mon senaw hiy-mesor.”

Aposel 15:23

Hom ley menkin, hmo iha mon kokwe mamey kamon senkin kow ha. Mamey sokukwe senkin me, “Wayh-om ama, eypok yaprue-ar, hrom aposel o, sios makwey-uwr o, enkin ma kiy-wak omokwe, hme kokwe pokon mamey kamon ke sokwe kiy-mey kow. Hromkwe hmo wayh-om ihey-ar. Mamey okukwe yier Antiok o, kipay Siria, Silisia leys o, seme mey kow ha.

Aposel 2:5

Juda har, God se ma nan ihey wayr, kipay irweyk irweyk ko me ma le-nene homkwe enekwei sohiy sok Jerusalem mon lwayr.

Aposel 21:18

Enekwei leikmon hokwe Pol hiykwe hreme hiy-ey, Jems se lira e. Seyr sios makwey-uwr lowpwarowp homkwe siraw non-hokruw.

Aposel 23:26

“Hakamay Feliks, Gavman mo peyrmawk uwr seirpey-ar ara, eypok yaprue-ar. Hakwe, Klodius Lisias, hakwe pokon mamey kamon hne senkin kiy-mey kow.

Aposel 26:7

Juda mo uwrku iha seys mu nareysyar non, eypok arawh, eypok arawh, God se ma me-ihey wayr homkwe, God so ok-loray sohok lousne hrahra ha e naruok wayr. King ara, Juda homkwe hane seme lokin lor-a-lor, ha God so ok-loray sokwe uron hyohyo ma lon sohiy.

Aposel 8:1

Yor Stiven se ma swama-powr okrue hokwe, Sol hiykwe yaprue lira nanpanan. Seyr God so sios Jerusalem mon ma lwak hokwe enekwei sohiy non nuw-mon piapay ha pie. Sa uwrsa Jisas se ma nan kiykiy-ay homkwe yier mokwe kipay Judia o, Samaria o, serey hakan sakan nok. Sawk aposel homkiaw-aw lwak.

Pol so mamey, sios Rom ko se ma mey hok non 1:1

Hakwe Pol, Krais Jisas so mey-uwr hiy non. Hiykwe hane aposel-mey ke meio e me-huonok. Seyr hane kokwe po lahan iaup, God so ok-ihey ke mesor kow e.

Galesia 1:19

Ha serey ma lwak hokwe, hakwe aposel har me lira pa. Sawk Jems, Hakamay so nay-ih se-aw lira.

Galesia 2:12

Hiykwe senkin lon, peyr kristen har Juda ko Jems hiy ma me-ha hom lousne lopa non kokwe, hiykwe uwrkayn irweyk me nion non-a. Sawk enekwei uwr sohom lousne menkin, hiykwe uwrkayn irweyk me nion pase manon-waw-waw e, payhokuaw, hiykwe Juda mo kristen, owh-ohi me ma lei mapru sow ke ma nakruok seme nuw-hok.

Galesia 2:9

Seyr Jems, Pita, Jon-om, sios mo hiy-meio kraipakrai-uwr ok ma me homkwe, hane senkin lira nonkway, God hiykwe hyo maym, mey ipey-ar sokwe meio ey hokwe, hane po kow. Homkwe sawk Barnabas o, ha o, hrere iha seme nekie waykuw waykuw. Sohokwe meir, hom hrere nion uron kamon-aw ma non-wawwaw meio ey se mesair kow. Hrom lowpwarowp mokwe senkin me-sakon kawk, hrorkwe uwrkayn irweyk me hiy-meio ey, seyr homkwe Juda me hiy-meio ey.

Filipai 1:1

Ha Pol o, Timoti o, hrorkwe Krais Jisas so mey-uwr. Mamey okukwe hrorkwe Krais Jisas so kristen-uwrsa lowpwarowp me o, sios so peyrmawk liarok uwr o, uwrsa, sios se ma hiy-mon me o, om Filipai ko me mey kow ha.

2 Timoti 4:21

Hunkwe hano owh mon kokwe kwa saw-ok-nonanon ne, payhokuaw weyp-nono enekwei hokwe pau ohriar lwak. Yubulus o, Pudens o, Linus o, Klodia o, seyr kristen lowpwarowp o, homkwe hne me-ihey-ok me-ha.

Taitus 1:1

Mamey okukwe, ha Pol, God so mey-uwr, seyr Jisas Krais so aposel hiy mey. Hane kokwe God hiykiaw me-ha, uwrsa, God hiykiaw ma lahan iaup mo nan kiykiy-ay yor me hiy-anok anok nok e, seyr hme God so okar-ok, hromo God se kampueys me-ihey yor hok ma hiy-mon sorasor ko yerki-ar mon hiy-ey e.

1 Pita 1:1

Hakwe Pita, Jisas Krais so aposel hiy non. Mamey okukwe, hakwe uwrsa, God hiy ma lahan iaup, yier har meiaw mon ma lwayr nonwor onwor nok seme mey kow ha. Yier senkin senkin, kipay Pontus, Galesia, Kapadosia, Esia, Bitinia serey mon ma lwak sohom.

2 Pita 1:1

Hakwe Saimon Pita, Jisas Krais so mey-uwr, seyr aposel. Mamey okukwe hakwe uwrsa, hromo God, seyr hromo Huonok-prosue-uwr Jisas Krais so yor luwluw-aw ko kueir nonaw, hromo nan kiykiy-ay yor ihey-ar ke hieyn ke ma lonok me mey kow.

Mamey, Jut hiy ma mey hok non 1:1

Hakwe Jut, Jisas Krais so mey-uwr, seyr Jems so nay-ih. Mamey okukwe hakwe uwrsa, God hiy ma me-huonokyaw me mey kow ha. Uwrsa, God hiy uron-pi ko-ar ma lwak, seyr Jisas Krais hiy ma hiy-mon nekie kraipakrai wayr me.

Mesair Hrahra Ha Ok 7:4

Hanekwe sawk senkin mekow, uwrsa mo meir kendol-lor non ma lokiamaun kreik mokwe sankaw, 144,000. Somokwe Israel mo uwrsa uwrku iha seys mu nareysyar non hom ma kekie nona nona ne hom non.