Luke 20:17 - Tur gewasin o baibasit boubun

¹⁷ Baise Jesu nuw sabuw itih sawar, basit eo, “Buk Atamaninamaim hikikirum anayabin i kwaso’ob. ‘Kabay gagamin bar wowabayah hi’itin kakafin hirouw hikwakwahir, baise botabir na bar ana bubu’umih matar.”

Luke 20:17 Iomraidhean Croise

Matthew 21:42

Imaibo Jesu iuwih eo, “Buk Atamaninamaim hikirum inu’in kwaiyab kwa’itin. ‘Kabay nati bar wowabayah hi’itin kakafin hirouw hikwakwahir, I botabir na taf ana wabat matar, iti sawar i Regah sinaf, ana itinin gewasin maiyow ta’i’itin.’

Mark 10:23

Imaibo Jesu tatabir ana bai’ufununayah isah eo, “Guguw wairafih God ana aiwob efanamaim run isan i fokar kwanekwan.”

Mark 12:10

Buk iti na’atube hikikirum kwaiyab kwa’itin, ‘Kabay nati bar wowabayah hi’itin kakafin hirouw hikwakwahir, i botabir taf etei hai wabat matar.

Mark 3:5

Jesu nan ufun inuwanuw itih yumatah fofokar isan yan so’ar, baise ibanak maiye isah iyababan, anayabin matah kufaf hisisinaf kakaf. Imaibo orot isan eo, “Uma ku’otofair.” Orot uman otofair tit igewasin.

Luke 19:41

Jesu na Jerusalem tit iyubin nuw bar hiwowab batabat i’itin ana veya ana yababan ra’at rerey eo,

Luke 22:37

Anayabin a tur ao’owen, Buk Atamaninamaim iti na’atube hio hikirum, ‘Hi’i’itin i bainowan mowanabe,’ naatu nati tur i ayu isou hikirum, naatu boro anasinaf nan yabin namatar’’”

Luke 22:61

Regah tatabir mutufor nuw Peter itin, naatu Regah abisa eo i not, “Boun gugumin o boro mar tounu ayu inayayoubu ufunamaim kokorere boro nao.”

Luke 24:44

Imaibo hai tur eowen eo, “Ayu i sawar iti isah bairit tama’ama ana veya a tur aowen. Sawar abisa ayu isau mataramih Moses ana Bukamaim, dinab hai Bukamaim na’atube Psalms imaim hio hikikirum hina hiturobe.”

John 15:25

Baise iti mamatar, i abistanawat hai ofafaramaim hi’o hikikirum i na iturobe, Anayabin en ayu hifutuwu.

Acts 4:11

Iti orot isan Bukamaim hikirum hio, ‘Iti kabay kwa wowabayah kakafin kwarouw kwarurutawiy i boun na bar ana bubu matar.’

Ephesians 2:20

Kwa i kob abarayah naatu dinab oro’orot hitutut hibatabat tafanamaim auman hiwowabari, tutut an i Keriso Jesu akisin.

1 Peter 2:6

Buk Atamaninamaim iti na’atube hikirum, “Kwa’itin, ayu agim gewasin arubin, i Zion tafanamaim ayai, agim etei hai ukwarih matar, naatu yait nabitumitum boro men biyan na’ohow.”