Mateo 5:4 - Hiyay Habi nin Dioh boy Genesis boy Ruth

⁴ Minged hilay tataon antumangih, ta liwaliwaen na hilan Apo Dioh.

Mateo 5:4 Iomraidhean Croise

Lucas 16:25

“Noba nakibat yay Abraham kanan mabatnang, ‘Anak, pakaihipen mo a ha angkabi-ay ka po ha babe-luta, ket pawa palugad ye pagbi-ay mo, noba hiyay Lazaro, pawa kaidapan ye nadihaan na. Ket haanin, anti ya ihtin mahayaghag noba hika, anti ka ihen a ampag-idap.

Lucas 6:21

Minged kawon angkabitlan haanin, ta mabhoy kawo lano. Minged kawon antumangih haanin, ta kumaili kawo lano.

Lucas 6:25

Kakaingalo kawon angkabhoy haanin, ta mabitlan kawo lano. Kakaingalo kawon angkumaili haanin, ta lumele boy tumangih kawo lano.

Lucas 7:38

Ket nakew yan nideng ha golotan nan Apo Jesus. Antumangih ya ha aphayan na. Impatulo nay luwa na ha bitih nan Apo Jesus. Ket pinunahan na nin labok na haka na inumaan boy tiniihan nin pabango.

Lucas 7:50

Hinabi nan Apo Jesus kanan babayi, “Inligtah na kan pamteg mo. Muli kaynan main katanaan.”

Santiago 1:12

Minged yay taon ampakateeh nin papanubok. Ta no mikakaanti yan makpe, ket matanggap nay plimyo na a bi-ay a homain anggaan a impangako nan Apo Dioh kanlan tataon ampangado kana.

Impakit 21:4

Punahen na ye luluwa la. Homain anan kamateyan, pangandang, panumangih, o iilab, ta nalabah ana ye alan a angkalyadi.”