Mateo 28:15 - Hiyay Habi nin Dioh boy Genesis boy Ruth

¹⁵ Haanin, hilay māgbantay, tinanggap lay mayadet a alaga nin pilak a pinangoy-oy la kanla. Pangayadi, hinabi la met nin māgbantay ye impahabi la kanla. Kaya-bay angga haanin, wanabay po ye anhabiyen lan Jujudio.

Mateo 28:15 Iomraidhean Croise

Mateo 26:15

Hinabi na, “Hinyay ibyay yo kangko no haglapan katawon mandakep kanan Jesus?” Nakibat hila, “Biyan mi kan tatlompo a mital.” Haanin, binyanan la yan tatlompo a mital.

Mateo 27:8

Kaya-bay anggayna haanin, yatin luta ket anhabtan yan “Luta nin Daya.”

Mateo 9:31

Noba ha inumalih hilaynay luwa, ket imbabalita la ha kaganaan a tatao nin yatew a lugal ye dinyag nan Apo Jesus kanla.

Marcos 1:45

Noba ha inumalih yayna, imbabalita nan teed ye nalyadi kana. Kaya-bay hiyay Apo Jesus, ahe yayna makalakew ha babanwa, ta ampaypapaletpetan la yan tatao. Kaya-bay ihtew yaynan bengat ha wangwang. Noba nilakew la yan teed nin tatao a ibat ha kanayon a lulugal.

1 Timoteo 6:10

Ta hiyay pangado ha pilak ye ampangubayan nin kaganaan a kalahin kalok-an. Hilay nangaanon tatao, uli ha pangado la ha pilak, ket tinumalingkukol hilayna ha pamteg la boy ampagdiha hilan malabong a kalelean ha bi-ay la.