Mateo 16:14 - Hiyay Habi nin Dioh boy Genesis boy Ruth

¹⁴ Nakibat hila, “Anhabiyen lan kanayon a hika ye Juan a Māmawtihmo. Hilay kanayon met, anhabiyen la a hika ye podopitan Elias. Ket hilay kanayon po, anhabiyen la met a hika ye podopitan Jeremias o magha ka kanlan popodopita.”

Mateo 16:14 Iomraidhean Croise

Mateo 14:2

Kaya-bay hinabi na kanlan oopihyal na, “Hiyabay ye Juan a Māmawtihmo a nabi-ay uman! Kaya-bay ampakadyag yan kapagtakaan.”

Mateo 16:15

Tinepet na hilay mānumbong na, “Hikawo nayi, aya ko?”

Mateo 17:10

Haanin, hilay mānumbong na, tinepet la yay Apo Jesus, “Taket ta anhabiyen lan mamaihtodo nin Bibilin a hiyay Elias a podopita hatew, ket katapulan a muna yan lumateng kanan Cristo?”

Mateo 3:1

Kananyatew a panaon, hiyay Juan a Māmawtihmo, nakew yan nangipatanda ha wangwang nin Judea

Marcos 6:15

Noba anhabiyen lan kanayon, “Hiyabay ye podopita Elias a nabi-ay uman.” Anhabiyen la met nin kanayon, “Magha yan podopita a omen kanlan popodopita hatew.”

Marcos 8:28

Nakibat hila, “Anhabiyen lan kanayon a hika ye Juan a Māmawtihmo. Hilay kanayon met, anhabiyen la a hika ye podopitan Elias. Ket hilay kanayon po, magha ka kanlan popodopita.”

Lucas 9:8

Ket hilay kanayon met, anhabiyen la, “Hiyabay ye podopita Elias a nabi-ay uman. Ket napakit yayna man!” Ket anhabiyen la met nin kanayon, “Ah, hiyabay ye magha kanlan podopita hatew a nabi-ay uman!”

Juan 1:21

Haanin, tinepet la yayna man, “No wanabay awod, aya ka? Hika laweh ye podopitan Elias hatew a an-agaden min mag-udong?” Nakibat yay Juan, “Aliwan hiko.” Tinepet la yayna man, “Hika laweh ye Podopitan impangako nan Apo Dioh a lumateng?” Nakibat yayna man ye Juan, “Ahe!”

Juan 7:12

Ket hilay tatao met, ampay-oonanahan lay tungkol kanan Apo Jesus. Anhabiyen lan kanayon, “Manged yan tao,” noba anhabiyen la met nin kanayon, “Ahe, antalingowen na hilan bengat ye tatao.”

Juan 9:17

Haanin, hilay Papariseo, tinepet la yayna man ye kapkap hatew, “Hinyay mahabi mo tungkol kanan namaitaah kammo?” Nakibat ya kanla, “Magha yan podopita.”