Mateo 1:3 - Hiyay Habi nin Dioh boy Genesis boy Ruth

³ Hiyay Juda ye bapa lan Perez boy Zera a aanak na kanan Tamar. Hiyay Perez ye bapa nan Esrom. Hiyay Esrom ye bapa nan Aram.

Mateo 1:3 Iomraidhean Croise

Genesis 38:11

Haanin, hinabi nan Juda kanan manuyang na a Tamar, “Muli ka po ha baey nan bapa mo boy magteeh ka po a bawo angga ha magbayon-tao yay Shela a anak ko.” Hinabi nan Juda yatew uli ha limo na a maka matey ya met ye Shela a omen ha nalyadi kanlan kakatongno na. Kaya-bay nuli yay Tamar ha baey nan bapa na.

Genesis 38:6

Hiyay Juda, pinili na yay Tamar a pag-ahawa nin punganay na a hiyay Er.

Genesis 46:12

Hilay aanak nan Juda ket hilan Er, Onan, Shela, Perez boy Zera. (Hiyay Er boy Onan ket natey hila ha Canaan.) Hilay aanak nan Perez ket hilan Hezron boy Hamul.

Mateo 1:2

Hiyay Abraham ye bapa nan Isaac. Hiyay Isaac ye bapa nan Jacob. Hiyay Jacob ye bapa lan Juda boy kakatongno na.

Mateo 1:4

Hiyay Aram ye bapa nan Aminadab. Hiyay Aminadab ye bapa nan Naason. Hiyay Naason ye bapa nan Salmon.

Lucas 3:33

Hiyay Naason ket anak nan Aminadab. Hiyay Aminadab ket anak nan Admin. Hiyay Admin ket anak nan Arni. Hiyay Arni ket anak nan Esrom. Hiyay Esrom ket anak nan Farez. Hiyay Farez ket anak nan Juda.