Lucas 9:19 - Hiyay Habi nin Dioh boy Genesis boy Ruth

¹⁹ Nakibat hila, “Anhabiyen lan kanayon a hika ye Juan a Māmawtihmo. Hilay kanayon met, anhabiyen la a hika ye podopitan Elias. Ket hilay kanayon po, anhabiyen la met a hika ye magha kanlan podopita hatew a nabi-ay uman.”

Lucas 9:19 Iomraidhean Croise

Mateo 14:2

Kaya-bay hinabi na kanlan oopihyal na, “Hiyabay ye Juan a Māmawtihmo a nabi-ay uman! Kaya-bay ampakadyag yan kapagtakaan.”

Mateo 3:1

Kananyatew a panaon, hiyay Juan a Māmawtihmo, nakew yan nangipatanda ha wangwang nin Judea

Marcos 6:14

Nabalitaan nan Gobilnadol Herodes Antipas ye tungkol kanan Apo Jesus, ta angkabalitaan yayna ha kaganaan a lugal. Anhabiyen lan tatao, “Hiyabay ye Juan a Māmawtihmo a nabi-ay uman. Kaya-bay ampakadyag yan kapagtakaan.”

Marcos 6:15

Noba anhabiyen lan kanayon, “Hiyabay ye podopita Elias a nabi-ay uman.” Anhabiyen la met nin kanayon, “Magha yan podopita a omen kanlan popodopita hatew.”

Lucas 9:18

Ha maghay mangaamot, legan ampakigwang yay Apo Jesus a bubukod na, hinumaley hilay mānumbong na kana. Haanin, tinepet na hila, “Aya ko kano ha ihip lan tatao?”

Lucas 9:20

Haanin, tinepet na hilan Apo Jesus, “Hikawo nayi, aya ko?” Nakibat yay Pedro, “Hika ye Cristo a impangako nan Apo Dioh.”

Juan 1:21

Haanin, tinepet la yayna man, “No wanabay awod, aya ka? Hika laweh ye podopitan Elias hatew a an-agaden min mag-udong?” Nakibat yay Juan, “Aliwan hiko.” Tinepet la yayna man, “Hika laweh ye Podopitan impangako nan Apo Dioh a lumateng?” Nakibat yayna man ye Juan, “Ahe!”

Juan 7:40

Pamakange lan tatao nin hinabi na, hinabi lan nangaano kanla, “Peteg a hiyabay ana ye Podopita a an-agaden tawo!”

Juan 9:17

Haanin, hilay Papariseo, tinepet la yayna man ye kapkap hatew, “Hinyay mahabi mo tungkol kanan namaitaah kammo?” Nakibat ya kanla, “Magha yan podopita.”