Lucas 22:35 - Hiyay Habi nin Dioh boy Genesis boy Ruth

³⁵ Haanin, hinabi nan Apo Jesus kanlan mānumbong na, “Ha intubol katawon homain kaget a pilak, pahiking boy ihtiping, ahe kawo nagkulang nin hinyaman a bagay, kali?” Nakibat hila, “Awo, Apo.”

Lucas 22:35 Iomraidhean Croise

Genesis 48:15

Ket in-inged na hilayna, a wana, “Hiyay Apo Namalyadi a pinaghilbiyan nan Isaac boy Abraham a nangaunan tutoa ko, Apo Namalyadi a nangalingay kangko paibat ha in-anak ako anggayna haanin, ket inged na kawo dayi.

Lucas 10:4

Adi kawo ampangaget nin pitaka, kubot, o pakalan a ihtiping. Ket ha pangumodang yo, adi kawo tumgen uli ha pangidlaw yo ha agya ayaman ha dān.

Lucas 22:34

Noba hinabi nan Apo Jesus kana, “Pedro, pakaleng-en mon manged ye habiyen ko kammo. Papainghan ha madeglem, bayo ya tumnoy ye tandang, nikatlo mo koynan imbudi.”

Lucas 22:36

Hinabi nan Apo Jesus kanla, “Noba haanin, no main kawon pitaka o pahiking, katapulan yoynan kadten. Ket no homain kawon keya, ilako yoy bado yo. Ket manaliw kawon keya.

Lucas 9:3

Binilinan na hila, “Ha pangumodang yo, adi kawo ampangaget nin hinyaman, agya teken, bakoto, pamangan, pilak o bado a paghagiliyan yo.

2 Corinto 8:15

Ta wanae ye naihulat a Habi nin Dioh, “Hiyay nanipon nin malabong, ket ahe ya inumigit. Ket hiyay nanipon met nin makandi, ket ahe ya nagkakulang.”