Lucas 20:17 - Hiyay Habi nin Dioh boy Genesis boy Ruth

¹⁷ Noba hiyay Apo Jesus, pinakabilew na hilay tatao haka na hinabi kanla, “No wanabay ye ihip yo, hinya awod ye labay habiyen nin yatin naihulat a Habi nin Dioh? ‘Hiyay dapah a ingkahwil lan māmaideng nin baey, hiyabay ye ginawi a pundahyon nin baey.’ ”

Lucas 20:17 Iomraidhean Croise

Mateo 21:42

Hinabi nan Apo Jesus kanla, “Ahe yo nayi nabaha yati ha naihulat a Habi nin Dioh, ‘Hiyay dapah a ingkahwil lan māmaideng nin baey, hiyabay ye ginawi a pundahyon nin baey. Diyag nin Dioh yati ket koynan kapagtakaan kantawo.’ ”

Marcos 10:23

Haanin, hiyay Apo Jesus, iniwah na hilay tatao haka na hinabi kanlan mānumbong na, “Koynan kaidap maibilang ye mabatnang kanlan anhakopen nan Apo Dioh.”

Marcos 12:10

Ahe yo po nayi nabaha ye naihulat a Habi nin Dioh a wanae, ‘Hiyay dapah a ingkahwil lan māmaideng nin baey, hiyabay ye ginawi a pundahyon nin baey.

Marcos 3:5

Angkapoot ya boy angkalelean na hilan binilew ye kaganaan uli ha kabyangan nin ō la. Ket inumadap ya kanan lakin kinumpit ye gamet. Hinabi na, “Ipanat moy gamet mo.” Impanat nay gamet na, ket nitaah yayna.

Lucas 19:41

Ha mahaley yaynay Apo Jesus ha banwan Jerusalem boy angkatamulaw nayna, tinangihan na hilay tatao ihtew, ta angkalunoh ya kanla.

Lucas 22:37

Ta habiyen ko kanyo a katapulan a matupad ye impahulat nan Apo Dioh tungkol kangko, a wanae, ‘Imbilang la yan magha kanlan mapanlabag nin Bibilin,’ ket angkatupad ana haanin.”

Lucas 22:61

Haanin, hiyay Apo Jesus, nagpeyeh yan namilew kanan Pedro. Ket hiyay Pedro, naihipan nay hinabi nan Apo Jesus kana a wanae, “Papainghan ha madeglem, bayo ya tumnoy ye tandang, nikatlo mo koynan imbudi.”

Lucas 24:44

Haanin, hinabi nan Apo Jesus kanla, “Hatew ha kalamo yoko po, hinabi koyna kanyo a katapulan yan matupad ye kaganaan a nakahulat tungkol kangko ha impahulat kanan Moises, ha inhulat lan kanayon a popodopita boy ha libdon Kakanta.”

Juan 15:25

Noba uli ha dinyag la, natupad ye anti ha Bibilin la, ‘Angkahulog hila kangko, agya homain hangkan.’ ”

Didiyag 4:11

Hiyay Apo Jesus ye andektan a dapah ha naihulat a Habi nin Dioh, ‘Hiyay dapah a ingkahwil yon māmaideng nin baey, hiyabay ye ginawi a pundahyon nin baey.’

Efeso 2:20

Hikitawon māmteg, ket nailalayi kitawo ha maghay baey a hilay aapohtol boy popodopita ye pinagkatodek na. Ket hiyay pinagkapundahyon na met, hiyay Apo Cristo Jesus.

1 Pedro 2:6

Ta wanae ye naihulat a Habi nin Dioh, “Bilewen yo! Main akon pinili a dapah boy mabli ya kangko. Andyagen ko yan pundahyon nin an-ipaideng ko ha Jerusalem. Ket ayaman ye mamteg kana, ahe ya mipading-ey.”