Lucas 17:20 - Hiyay Habi nin Dioh boy Genesis boy Ruth

²⁰ Ha maghay mangaamot, tinepet la yan Papariseo ye Apo Jesus no makano yan mandugi ye panakop nan Apo Dioh. Nakibat yay Apo Jesus kanla, “Hiyay panakop nan Apo Dioh, ket homain pagkakitan no makano yan mandugi.

Lucas 17:20 Iomraidhean Croise

Lucas 10:11

‘Ulita ahe yo labay tanggapen ye ipatanda mi kanyo, agya tuwapok nin banwa yo a nipayket ha bibitih mi, ket ikampag mi bilang pangipatanda kanyo a maloke ye dinyag yo. Noba pakaihipen yo yati. Madanon anay panakop nan Apo Dioh.’

Lucas 14:1

Ha maghay Mangaamot nin Pagpainawa, main maghay mānguna lan Pariseo ye nanagyat kanan Apo Jesus a makew mangan ha baey na. Ket hilay tataon angkumuntada kana, ambantayan la yan manged.

Lucas 16:16

“Hiyay Bibilin a impahulat kanan Moises boy impahulat kanlan popodopita hatew ye anhumbongen lan tatao angga ha namabala yay Juan a Māmawtihmo. Ket paibat ha panaon nan Juan, an-ipatanda ana ye Manged a Balita a tungkol ha panakop nan Apo Dioh. Ket malabong hilay tataon mauplit a maibilang kanlan anhakopen nan Apo Dioh.

Lucas 19:11

Legan anhumaley yay Apo Jesus ha banwan Jerusalem, anleng-en lan tatao ye pangiadal na. Ket ha ihip la nabaan la, a wanla, “Ha lumateng yay Apo Jesus ha Jerusalem, ket manakop yayna.” Kaya-bay in-ihtolya nan Apo Jesus kanla yatin pangilalayi, “Main maghay laki a mabatnang boy ambalayen a nakew ha mataang a lugal ta-omen na tanggapen ye katungkolan na bilang poon. Ket no matanggap naynay katungkolan na, mag-udong ya met ateed.

Juan 18:36

Hinabi nan Apo Jesus kana, “Peteg a poon ako, noba aliwan ihti ha babe-luta ye panakopan ko. Ta no ihti ye panakopan ko, lumaban hilay tatao ko ta-omen lako ahe madakep nin Jujudio. Noba aliwan ihti ha babe-luta ye panakopan ko.”