Lucas 10:27 - Hiyay Habi nin Dioh boy Genesis boy Ruth

²⁷ Nakibat yay maihtodo nin Bibilin, “Hiyay Apo mon Dioh, ket adoen mo yan luboh ha puho, luboh ha kalelwa, luboh ha kakhawan boy luboh ha ihip mo. Boy hiyay kapadiho mon tao met, katapulan mo yan adoen nin omen ha pangado mo nin hadili mo.”

Lucas 10:27 Iomraidhean Croise

Mateo 19:19

bihaen moy bapa boy indo mo, boy adoen moy kapadiho mo a omen ha pangado mo nin hadili mo.”

Lucas 10:26

Nakibat yay Apo Jesus kana, “Hinyay anti ha Bibilin? Hinyay angkabaha mo ihtew?”

Roma 13:9

Hilatin bibilin a “Adi ka mamabayi o makilaki,” “Adi ka mamatey,” “Adi ka manakaw,” boy “Adi ka ampangakokoh” boy hilay kanayon po a bibilin, ket naimamagha ya ha mamaghan bilin a wanae, “Adoen moy kapadiho mo a omen ha pangado mo nin hadili mo.”

Galacia 5:13

Kakatongno ko, hinagyat na kawon Apo Dioh a magbi-ay a malihway. Noba yatin kalihwayan, adi yo dayi anggawien ha panyag nin kalabayan nin laman yo, no aliwan gawien yoya ha paghilbi ha magha boy magha uli ha ado.

Hebreo 8:10

Hinabi na po Apo Dioh, “Lano maabot ye panaon, yabayti ye diyagen kon bayon kahundoan ha lalahi lan Israel. Hiyay bibilin ko, itanem ko ha ihip boy puho la. Hikoyna ye Dioh la ket hilabay ana met ye tatao ko.

Santiago 2:8

Main yan maalaga a bilin ye Apo Dioh a impahulat na a wanae, “Adoen moy kapadiho mon tao nin omen ha pangado mo nin hadili mo.” No anhumbongen yo, ket manged ye andiyagen yo.

1 Juan 3:18

An-adoen kon aanak, adi kitawo ampangado ha habin bengat, no aliwan ipakit tawoy peteg a pangado kanlan kanayon makauli ha didiyag.