Lucas 1:53 - Hiyay Habi nin Dioh boy Genesis boy Ruth

⁵³ Ket hilay tataon angkabitlan, pinabhoy na hila. Noba hilay mangabatnang, pinaalih na hilan homain bega kaget.

Lucas 1:53 Iomraidhean Croise

Mateo 5:6

Minged hilay tataon angkahabek a manyag nin katoynongan a omen ha taon angkabitil o angkaplangan, ta pabhoyen na hilan katoynongan Apo Dioh.

Lucas 1:54

Hinaglapan na kitawon Israelita a māghilbi na, ulita ahe na naliwaan ye pangako na kanan Abraham boy kanlan lalahi na a ingalowan na makanoman,” wanan Maria.

Lucas 6:21

Minged kawon angkabitlan haanin, ta mabhoy kawo lano. Minged kawon antumangih haanin, ta kumaili kawo lano.

Lucas 6:24

Noba kakaingalo kawon mangabatnang, ta napakinabangan yoynay kainomayan yo.

Juan 6:35

Hinabi na met Apo Jesus kanla, “Hiko ye pamangan a ampamyay bi-ay. Hilay anhumaley boy ampamteg kangko, ket ahe hilayna mabitlan o maplangan makanoman.”

1 Corinto 1:26

Kakatongno ko, ihipen yoy kahahaad yo hatew bayo na kawo hinagyat Apo Dioh a pagtao na. Ha pamilew lan tataon ahe ampanumbong kana, nangaanon bengat kanyo ye madunong o makapalyadiyan o ibat ha pamilya a antangalen lan tatao, kali?

1 Corinto 4:8

Ah, genap kawoyna manayti ha pamteg yo! Antina manayti kanyoy kaganaan a binaba a an-ibyay nin Ihpiditon Dioh kanlan māmteg na! Popoon kawoyna awod boy ahe yo kayina katapulan, kali? Awo ta dayin ta ampamoon kawoyna ta-omen kayi met makipamoon kanyo.