Juan 21:16 - Hiyay Habi nin Dioh boy Genesis boy Ruth

¹⁶ Tinepet na yan uman Apo Jesus, “Simon a anak nan Juan, an-adoen moko nayi?” “Awo, Apo,” wana, “tanda mo a an-adoen kata.” Hinabi nan Apo Jesus kana, “Hayhayen mo hilan manged ye tutupa ko.”

Juan 21:16 Iomraidhean Croise

Mateo 2:6

‘Hikawon tatao ha banwan Betlehem a hakop nin Juda, aliwa kawon maaaypa kanlan kanayon a tatao ha babanwa nin Juda. Ta mangibat ya lano ha banwa yo ye maghay poon a mangalingay kanlan tatao kon Israelita.’ ”

Mateo 25:32

Tiponen ko hila ha adapan ko ye kaganaan a tatao ihti ha babe-luta, ta payngilboen ko hila a omen ha pangilbo nin māgpahtol ha kambing boy tupa.

Mateo 26:72

Ket imbudi na yayna man Pedro, “Agya matey ako, ahe koya katatanda yain a tao!”

Lucas 19:10

Ta hiko a ibat ha langit a in-Anak nin Tao, ket nakew ako ihti ha babe-luta a manapul boy mangiligtah kanlan nitaang kanan Apo Dioh.”

Juan 18:17

Haanin, hiyay babayi a ampagbantay, tinepet na yay Pedro, “Aliwa nayi a magha ka kanlan mānumbong nan yatew a taon dinakep la?” Nakibat yay Pedro, “Hi, ahe!”

Juan 18:25

Hiyay Pedro, legan ampakiimodo ya po, tinepet la yayna man nin kanayon a tatao, “Aliwa nayi a magha kan mānumbong nan yatew a tao?” Hiyay Pedro, nagbudi ya, “Hi, ahe!”

Juan 21:17

Haanin, hiyay Apo Jesus, pinikatlo na yan tinepet ye Pedro, “Simon a anak nan Juan, an-adoen moko nayi?” Ket nilumele yay Pedro, ta nikatloynan ukdo a tinepet na yan Apo Jesus no an-adoen naya. Haanin, hinabi nan Pedro, “Apo, tanda moy kaganaan. Tanda mo met a an-adoen kata.” Hinabi nan Apo Jesus kana, “Pakanen mo hilay tutupa ko.

Didiyag 20:28

“Ialla yo awod ye hadili yo boy hilay kaganaan a māmteg, ta pinili na kawon Ihpiditon Dioh a mangalingay kanla. Kalingayen yo hilay tatao ha pangkat nin māmteg nan Apo Dioh a timbeh na makauli ha daya nin Anak na.

Hebreo 13:20

An-ipakigwang katawo met kanan Apo Dioh a ampangibatan nin katanaan. Hiyabay ye nami-ay uman kanan Apo Jesu Cristo a Pinakamanged a Pahtol tawo. Ket uli ha daya nan Cristo, pinaghen nay kahundoan a homain anggaan.

1 Pedro 2:25

Hatew, ba-mo kitawon tutupa a nipakat. Noba haanin, naiudong kitawoyna kanan Apo a Mānayhay boy Māngalingay nin bi-ay tawo.

1 Pedro 5:2

Kalingayen yo hilay tatao nin Dioh a naipataya kanyo. Nailalayi hila ha tutupa, ket hikawo met ye magpahtol kanla. Kaya-bay pakahayhayen yo hilan luboh ha puho yo, ulita yati ye labay nan Apo Dioh. Diyagen yo yati, aliwa dayin angkapilit o ulin bengat ha howildo.

Impakit 7:17

Ta hiyaynay Oybon Tupa a anti ha pamiknoan ye pahtol la. Ilakew na hila ha hubol nin lanom a ampakaibyay bi-ay boy ponahan nan Apo Dioh ye luwa nin balang magha. Ket ahe hilayna tumangih makanoman.