Impakit 22:12 - Hiyay Habi nin Dioh boy Genesis boy Ruth

¹² Hinabi nan Apo Jesus, “Lumnge kawo! Madanon akoynan lumateng! Kaget koy plimyo a ibyay ko ha balang magha bilang kaeteban nin didiyag na.

Impakit 22:12 Iomraidhean Croise

Mateo 16:27

Ta hiko a ibat ha langit a in-Anak nin Tao ket mag-udong a main kapalyadiyan nan Bapa kon Dioh, lamo ko hilay aanghil na. Ket kananyatew a mangaamot, ibyay ko ye kaeteban nin didiyag nin balang magha.

Roma 14:12

Kaya-bay hiyay balang magha, ket pakibatan na kanan Apo Dioh ye kaganaan a dinyag na.

1 Corinto 3:14

No hiyay paideng ha pundahyon, ket ahe ya naulam, makatanggap yan plimyo ye nangipaideng.

1 Corinto 3:8

Hiyay ampananem boy ampanayhay ket padihon māghilbi. Ket hiyay balang magha kanla, makatanggap yan plimyo ha kaeteban nin pagbannog la.

Impakit 11:18

Angkapoot hilay tatao a ahe ampamteg kammo. Noba naabot anay panaon nin poot mo, boy panuhga mo kanlan nangamatey. Panaon ana a biyan mo hilan plimyo ye popodopita a māghilbi mo, hilay pagtao mo boy hilay kaganaan a angkalimo kammo, matagay man o maaypa. Panaon ana met a apoen mo hilaynay nandama nin babe-luta.”

Impakit 2:23

Pateyen ko hilay mānumbong na. Ha wanabay, matandaan nin kaganaan a pangkat lan māmteg ko a tanda kon peteg ye hinyaman a an-ihipen nin balang tao. Boy ibyay ko lano ha balang magha kanyo ye kaeteban nin didiyag yo.

Impakit 20:12

Ket hilay nangamatey, matagay man o maaypa, nakit ko hilan ampideng ha adapan nin pamiknoan nin Dioh. Biniklal ye lilibdo dayon libdo nin bi-ay. Ket hilay nangamatey, nauhgaan hila uli ha didiyag la a naihulat ha lilibdo.

Impakit 22:20

Hiyay Apo Jesus ye ampamapteg ha kaganaan a naihulat kananyatin libdo. Hinabi na po, “Peteg a madanon akoynan lumateng!” Hinabi ko met, “Palyadiyen mo dayi Apo! Apo, makew kayna dayi ihti!”

Impakit 22:7

Hinabi nan Apo Jesus, “Madanon akoynan lumateng! Minged hilay ampanumbong nin impatanda nan Apo Dioh a naihulat kananyatin libdo.”

Impakit 3:11

“Madanon ana ye panlumateng ko. Kaya-bay pahulong yon ialla ye kaptegan a natanggap yo ta-omen ahe la makwa nin kanayon ye plimyo yo.