Impakit 18:3 - Hiyay Habi nin Dioh boy Genesis boy Ruth

³ Ta uli ha tubat a kadamogan na a kahulog nan Apo Dioh, naoy-oy na hilay kaganaan a nanahyon ihti ha babe-luta. Hilay kaganaan a popoon ihti ha babe-luta, ket nakibabayi hila kana. Ket uli ha pagpapakapda nan babayi ha kalabayan na, hilay māglako, binumatnang hila met.”

Impakit 18:3 Iomraidhean Croise

Lucas 7:25

Maghay taon nakabado nin matampa? Ahe, ta hilay tataon nakabado nin matampa boy ampagbi-ay nin pagpapakapda, ket ihtew yo hila makit ha mangayadet a baey.

1 Timoteo 5:11

Noba hilay bawon babayi a maaypa ha anemapo, adi mo hilayna ilamo ha lihtaan lan bawon babayi a haglapan. Ta no ahe layna angkabenbenan ye tanam lan makiahawan uman, ket mapaolayan laynay paghilbi la kanan Cristo.

Impakit 14:8

Pangayadi, linumpad ya met ye ikalwan anghil a ampangipangha nin wanae, “Nadama ana! Nadama anay angkabalitaan a banwan Babilonia. Ta hilay angkumonin ihtew ye nangumbinyo kanlan kaganaan a nanahyon ha babe-luta a humbongen lay kadamogan la a kahulog nan Apo Dioh.”

Impakit 17:2

Hilay kaganaan a popoon ihti ha babe-luta, ket ba-mo hilaynan nakibabayi kana, ta hinumbong lay aadal na. Ket hilay kaganaan a tatao met, ba-mo hilan nalahing nin alak nan babayi makauli ha kadamogan na.”

Impakit 18:19

Uli ha kalelean la, binudubodan lan tuwapok ye ō la boy nangandang hila, a wanla, “Kakaingalo ye nalyadi ha angkabalitaan a banwa. Ta makauli ha kabatnangan na, hilay kaganaan a main babalko ha dagat, ket binumatnang hila met. Noba ha loob bengat nin maghay odah ket naanam ye kaganaan!”

Impakit 18:23

Homain anan makit a henag nin kingki kana. Homain ana met mange kana a mahayaghag a bihnga nin bayon kahal. Ta hilay māglako na ye nag-ilyadin ba-mon makapalyadiyan ha babe-luta. Ket tinalingo lay kaganaan a nanahyon makauli ha paghalimangka.”

Impakit 18:7

No way-omen yan nagmayadet boy nagpapakapda ha kalabayan na, ket ibae kana ye kaeteban na a kapatiyatiyaan boy kalelean. Ta anhabiyen na ha hadili na, ‘Magha kon Reyna, aliwa kon bawo, boy ahe ako magdiha nin kalelean makanoman!’

Impakit 18:9

Ket hilay popoon a nakibabayi kana boy nakipagpapakapda kana, tumangih boy mangandang hila no makit layna ye anoh nin pagkaulam na.