Impakit 17:2 - Hiyay Habi nin Dioh boy Genesis boy Ruth

² Hilay kaganaan a popoon ihti ha babe-luta, ket ba-mo hilaynan nakibabayi kana, ta hinumbong lay aadal na. Ket hilay kaganaan a tatao met, ba-mo hilan nalahing nin alak nan babayi makauli ha kadamogan na.”

Impakit 17:2 Iomraidhean Croise

Juan 2:10

Ket hinabi na kana, “Ha balang poniyan, an-iuna la yan iapag ye malahap a alak. No malabong hilaynan nainom ye tatao, ket ilwah laynay aliwan minga malahap a alak. Noba hika, lumbo ka, ta impahuyot mon in-apag ye malahap a alak.”

Impakit 14:8

Pangayadi, linumpad ya met ye ikalwan anghil a ampangipangha nin wanae, “Nadama ana! Nadama anay angkabalitaan a banwan Babilonia. Ta hilay angkumonin ihtew ye nangumbinyo kanlan kaganaan a nanahyon ha babe-luta a humbongen lay kadamogan la a kahulog nan Apo Dioh.”

Impakit 17:13

Ket hilatin mapo a popoon, naymamagha hila. Ket ibyay la kanan matubag a ayop ye kapalyadiyan boy katulidan la.

Impakit 17:17

Ta impaihip nan Apo Dioh kanlan mapo a popoon a paymamaghaan lan ibyay ye panakop la kanan matubag a ayop anggan matupad ye Habi nin Dioh.”

Impakit 17:5

Nakamalka ha kiding na ye ngalan a main hikliton labay habiyen: YATI YE ANGKABALITAAN A BANWA NIN BABILONIA, HIYAY INDO LAN BABAYIN BABAYADAN BOY NIN KAGANAAN A KALOK-AN IHTI HA BABE-LUTA.

Impakit 17:8

Hiyay nakit mon matubag a ayop, ket angkabi-ay ya hatew, noba natey yayna. Noba lumwah ya met ateed lano a ibat ha maalale a tubat a kulongan ha lale-luta, paugot ha kapaduhaan a homain anggaan. Ket hilay tatao ihti ha babe-luta a ahe nakalihta ye ngangalan la ha libdo nin bi-ay paibat po ha napalhowa ye babe-luta, ket magtaka hila, ta makit la yan uman ye matubag a ayop, ta angkabi-ay ya hatew boy natey yayna, noba nabi-ay yayna man.”

Impakit 18:23

Homain anan makit a henag nin kingki kana. Homain ana met mange kana a mahayaghag a bihnga nin bayon kahal. Ta hilay māglako na ye nag-ilyadin ba-mon makapalyadiyan ha babe-luta. Ket tinalingo lay kaganaan a nanahyon makauli ha paghalimangka.”

Impakit 18:3

Ta uli ha tubat a kadamogan na a kahulog nan Apo Dioh, naoy-oy na hilay kaganaan a nanahyon ihti ha babe-luta. Hilay kaganaan a popoon ihti ha babe-luta, ket nakibabayi hila kana. Ket uli ha pagpapakapda nan babayi ha kalabayan na, hilay māglako, binumatnang hila met.”

Impakit 18:9

Ket hilay popoon a nakibabayi kana boy nakipagpapakapda kana, tumangih boy mangandang hila no makit layna ye anoh nin pagkaulam na.

Impakit 2:22

Kaya-bay biyan ko yan hakit anggan ahe yayna makaimata. Ket hilay namabayi kana, paduhaan ko hila met nin mabyat, powidan bengat no paghehean lay pamakibabayi la kana.

Impakit 3:10

Ulita hinumbong yoy bilin ko a mag-anoh kawon mangikpe, ket ialla katawo ha lumateng a tubat a kaidapan ihti ha babe-luta a panubok ha kaganaan a tatao.”

Impakit 9:21

Ahe la met pinaghehean ye pamatey la, pangkulam la, pamabayi o pamakilaki la, o panakaw la.