Impakit 16:7 - Hiyay Habi nin Dioh boy Genesis boy Ruth

⁷ Nakange ako po nin bihnga a ibat ha pangihagpaan nin digalo, a wana, “Petegbay Apo Dioh a makapalyadiyan ha kaganaan, huhto boy matoynong ye pamaduha mo.”

Impakit 16:7 Iomraidhean Croise

Impakit 1:8

Hinabi nan Apo Dioh a Pinakamakapalyadiyan, “Hiko ye Alpha boy Omega.” Hiyay labay habiyen, hiyabay ye Dioh hatew, haanin, boy makanoman.

Impakit 13:10

Ayaman a taon nakataladan mapidiho, ket mapidiho ya. Boy ayaman a nakataladan a matey makauli ha kampilan, ket matey ya makauli ha kampilan. Kaya-bay hilay pagtao nin Dioh, katapulan hilan mapangikpe boy magpahulong a mapatayaan kana.

Impakit 14:10

ket madihaan la ye tubat a poot nan Apo Dioh, ta paduhaan na hila makauli ha apoy boy asupre ha adapan nan Oybon Tupa boy kanlan aanghil na.

Impakit 14:18

Pangayadi, main akoyna man nakit a maghay anghil a nilumwah ha pangihagpaan. Hiyabay ye ampamaala nin apoy ha pangihagpaan nin digalo. Impangha na kanan anghil a ampangemgem nin matadem a balot, a wana, “Gawien moyna ye matadem a balot mo, ta pupolen moyna ye uubah ha kaganaan a ubahan ha babe-luta, ta naom hilayna.”

Impakit 19:2

Huhto boy matoynong ye uhga na kanan babayin babayadan a nangigaygay kanlan tatao ha babe-luta a manyag nin kalok-an makauli ha kadamogan na. Boy pinaduhaan na yan Apo Dioh, ta pinatey na hilay māghilbi na.”

Impakit 6:9

Ha inalih nayna man nin Oybon Tupa ye ikaliman inlinip ha kahulatan, hilay tataon pinatey hatew uli ha pamteg la ha Habi nin Dioh boy ha pamapteg la nin yati, ket nakit ko hila ha leplep a anti hila ha hilong nin pangihagpaan nin digalo kanan Apo Dioh.