Impakit 16:5 - Hiyay Habi nin Dioh boy Genesis boy Ruth

⁵ Pangayadi, nange kon hinabi nan anghil a ampamaala nin lanom, “Matoynong ka. Hikan bengat boy homain kanayon a Dioh paibat hatew anggayna haanin. Matoynong ka ulita pinaduhaan mo hila.

Impakit 16:5 Iomraidhean Croise

Genesis 18:25

Ampamtegan ko a ahe mo hila idaman ye mangatoynong. Ta no diyagen mo yatew, padiho hilaynan mapaduhaan ye mangatoynong boy mangaloke. Ahe dayi malyadi yain Apo! Tanda mi a matoynong ye panuhga mo ha kaganaan a tatao ha babe-luta!”

Juan 17:25

Bapa kon matoynong, ahe laka katatanda nin tataon ahe ampanumbong kammo. Noba katatanda kata boy tanda la met nin mānumbong ko a intubol moko.

Roma 2:5

Noba ulita mabyang ye puho yo boy agyo labay maghehe, lalo yo yaynan ampapooten ye Apo Dioh. Kaya-bay mamabyat ye ipaduha na kanyo ha mangaamot nin matoynong a panuhga na.

Roma 3:5

Haanin, maka main ampaghabin wanae, “Main met manaytin ikanged ye kalok-an tawo, ta ulin yain, makinang a makit ye katoynongan nan Apo Dioh. Kaya-bay aliwan matoynong a paduhaan na kitawo, kali?”

Impakit 1:4

Hiko yay Juan ye nanulat nin yati kanyon piton pangkat lan māmteg nan Apo Jesus ihen ha plobinhiyan Asia. Matanggap yo dayi ye kangedan boy katanaan a ibat kanan Apo Dioh a Dioh hatew, haanin boy makanoman, boy ibat kanan Ihpiditon Dioh a anti ha adapan nin pamiknoan nan Apo Dioh boy ibat kanan Apo Jesu Cristo a mapatayaan a mamapteg nin yatin kaganaan. Hiya ye unan nabi-ay uman kanlan nangamatey boy ampanakop kanlan kaganaan a poon ihti ha babe-luta. Hiya ye ampangado boy namalihway kantawo ha kakahalanan makauli ha daya na.

Impakit 1:8

Hinabi nan Apo Dioh a Pinakamakapalyadiyan, “Hiko ye Alpha boy Omega.” Hiyay labay habiyen, hiyabay ye Dioh hatew, haanin, boy makanoman.

Impakit 11:17

a wanla, “Apo Dioh a Pinakamakapalyadiyan, hika ye Dioh hatew angga haanin. Ampahalamat kayi kammo, ta ginawi moy tubat a kapalyadiyan mo boy ampamoon kayna ihti ha babe-luta.

Impakit 16:4

Pangayadi, imbuhboh na met nin ikatlon anghil ye laman nin kulo na ha kakabatowan boy ha huhubol. Ket nag-ilyadi met daya yatin kaganaan.

Impakit 16:7

Nakange ako po nin bihnga a ibat ha pangihagpaan nin digalo, a wana, “Petegbay Apo Dioh a makapalyadiyan ha kaganaan, huhto boy matoynong ye pamaduha mo.”

Impakit 19:2

Huhto boy matoynong ye uhga na kanan babayin babayadan a nangigaygay kanlan tatao ha babe-luta a manyag nin kalok-an makauli ha kadamogan na. Boy pinaduhaan na yan Apo Dioh, ta pinatey na hilay māghilbi na.”

Impakit 4:8

Titianem ye pakpak nin balang magha kanla boy napampoh nin mamata ye loob boy ilwah nin papakpak la. Ket madeglem boy mangaamot, homain tegen a an-ikanta lay wanae, “Homain kapadiho! Homain kapadiho! Homain kapadiho yay Apo Dioh a Makapalyadiyan ha kaganaan, ta hiyabay ye Apo Dioh hatew, haanin boy makanoman.”

Impakit 6:10

An-ipangha la, a wanla, “Apo, Apo a makapalyadiyan, homain kapadiho boy mapatayaan, makano mo hila po lagi uhgaan boy paduhaan ye namatey kammi?”