Hebreo 5:11 - Hiyay Habi nin Dioh boy Genesis boy Ruth

¹¹ Malabong po dayi ye habiyen ko kanyo a tungkol ha pagkapadi nan Apo Jesus. Noba maidap yan ipataloh kanyo, ulita kinumapey anay pagkataloh yo.

Hebreo 5:11 Iomraidhean Croise

Mateo 13:15

Ta hilatin tatao, ket mabyang ye ō la. Hinakeban lay talinga la boy in-ipleng lay mata la. No aliwa dayin wanabay, ket makakit ye mata la boy makange ye talinga la, ket makataloh hilayna. Ha wanabay, mag-udong hilayna kangko, ket paitaahen ko hila.”

Marcos 8:21

Hinabi nan Apo Jesus, “Ahe yo po nayi angkatalohan?”

Lucas 24:25

Haanin, hinabi nan Apo Jesus kanla, “Koynan kamumoan yo boy kaidap yon pamtegan ye kaganaan a hinabi lan popodopita hatew!

Juan 16:12

“Malabong po dayi ye habiyen ko kanyo, noba ahe yo po matalohan haanin.

Juan 6:6

Tinepet na yay Felipe ta-omen na yan bengat huboken, agya tanda nayna ye diyagen na.

Didiyag 28:27

Mabyang ye ō la. Hinakeban lay talinga la boy in-ipleng lay mata la. No aliwa dayin wanabay, ket makakit ye mata la, boy makange ye talinga la, ket makataloh hilayna. Ha wanabay, mag-udong hilayna kangko, ket paitaahen ko hila.’ ”

Hebreo 5:10

Ta tinuga na yan Apo Dioh a mag-ilyadin pinakapoon a padi a omen met ateed ha pagkapadi nan Melkizedek.

Hebreo 5:12

Māngiadal kawoyna dayi, ta nabuyot kawoyna ha pamteg. Noba angga haanin, katapulan a iadal po kanyo ye unan aadal a tungkol ha Habi nin Dioh a naiadal ana kanyo hatew. Ba-mo kawon ongi a gatah po ye pamangan na, ta ahe yo po magatgat ye mabyang a pamangan a nakailalayian nin mangaldeg a adal.

2 Pedro 3:16

Wanabay met ateed ye anhabiyen na ha kaganaan a hulat na. Main met maidap matalohan a pahen nin hulat na. Ket yati ye ambiyan lan lumbo a katalohan nin tataon mumo boy mangakapey ye pamteg la a omen ha andiyagen la ha kanayon po a pahen nin naihulat a Habi nin Dioh. Ket uli kananyatin andiyagen la, an-ilakew lay hadili la ha kapaduhaan.