Genesis 49:33 - Hiyay Habi nin Dioh boy Genesis boy Ruth

³³ Pangayadi nan maghabi ye Jacob kanlan aanak na, nida yayna man, ket naboytoan yaynan angeh. Ket napagkalamo na hilaynay papaltido na a nangamatey ana.

Genesis 49:33 Iomraidhean Croise

Genesis 15:5

Haanin, pinalwah na yan Apo Dioh ye Abram ha hongab. Ket hinabi na kana, “Bilewen mo hilay bibitoen ha luwang, ket bilangen mo hila no mababa mon bilangen. Wanabay hila met lano kalabong ye lalahi mo.”

Genesis 25:17

Hiyay Ishmael ket 137 anay taon na ha natey ya, ket nakalamo na hilaynay tutoa na.

Genesis 25:8

Matoa yaynan tubat boy matana anay nakem na ha natey ya. Ket nakalamo na hilaynay tutoa na.

Genesis 35:29

Natey yan kinatoa, ket napagkalamo na hilaynay nangaunan tutoa na a nangamatey ana. Hiyay Esau boy Jacob ye nangilbeng kana.

Genesis 49:1

Pangayadi, impaingat na hilan Jacob ye aanak na, ket hinabi na, a wana, “Humaley kawo kangko, ta habiyen ko kanyo ye malyadi lano kanyo.

Genesis 49:29

Pangayadi, binilinan na hilan Jacob ye aanak na, hinabi na kanla, “Haanin, madanon ko hilaynan mapagkalamo ye papaltido ko a nangamatey ana. Ihtew yo kon ilbeng ha nakailbengan lan nangaunan tutoa ko, ha yukib a anti ha bangkag nan Efron a Heteo.

Genesis 49:32

Hiyay bangkag boy yukib, ket hinaliw kanlan Heteo.”

Genesis 50:1

Hiyay Jose, antumangih yan nanakeh nin bangkay nan bapa na boy inumaan naya.

Lucas 2:29

“Makapalyadiyan a Dioh, magha kon māghilbi mo. Haanin, nakit ko yaynay impangako mon Māngiligtah a intaladan mo ha kaganaan a nanahyon. Ket hiya ye makapahnag nin ihip lan aliwan Judio boy mamyay kadangalan kanlan tatao mon Israelita. Ket haanin awod Apo, palubohan mo koynan matey a main katanaan a omen ha impangako mo.”

Didiyag 7:15

Kaya-bay hiyay Jacob boy pamilya na a nangaunan tutoa tawo, nakew hilan kinumonin ha Egipto angga ha matey hila.

Hebreo 11:22

Hiyay Jose, uli met ha pamteg na, ha madanon yaynan matey, hinabi na kanlan kapadiho na a Israelita, “Lumateng lano ye mangaamot a umalih kawo ihti ha Egipto, ket lano no umalih kawoyna, kadten yoy bobot-o ko.”

Hebreo 12:23

Hinumaley kitawo ha pangkat lan māmteg a naibilang a punganay nin Dioh a nakahulat ye ngangalan la ihtew ha langit. Hinumaley kitawo kanan Apo Dioh a manuhga nin kaganaan a tatao boy kanlan kalelwa lan tataon imbilang na a matoynong a dinyag nan genap.