Genesis 49:26 - Hiyay Habi nin Dioh boy Genesis boy Ruth

²⁶ Hiyay panginged nan bapa mo, ket igit yan manged dinan ha kangedan a ampangibat ha alan a nagmamapantay. Matanggap mo hila dayi hilatin kangedan, Jose, hika a umiigit kanlan kakatongno mo.

Genesis 49:26 Iomraidhean Croise

Genesis 37:28

Ha mahaley hilaynay Ishmaelitan māgpanapulan, in-awah la yay Jose, ket inlako laya ha alaga a luwampo a mital. Ket kinaget la yaynan Ishmaelita palakew ha Egipto.

Genesis 37:8

Haanin, hinabi lan kakatongno nan Jose kana, “Hiyay labay mon habiyen mag-ilyadi kan poon boy mamoon ka kammi?” Ket lalalo hilayna ingat nahulog kanan Jose uli ha tataynep na boy ha hinabi na.

Genesis 49:27

Hika Benjamin ket ba-mo kan ahontawon a ampamatey, ampangamoyok nin ayop ha mahanib, ket ha madeglem, andakayen nay nahamham na.”

Didiyag 7:9

“Haanin, hiyay Jose a magha kanlan labinluwan lalakin aanak nan Jacob, ket kinaibegan la yan kakatongno na. Inlako laya kanlan tataon māgpanapulan. Ket inlakew laya ha Egipto. Ket ihtew yan naipoh. Noba hiyay Jose, anlamoan na yan Apo Dioh boy hinaglapan naya ha kaganaan a pamaidap a angkadihaan na. Binyanan naya po Apo Dioh nin kadunongan. Kaya-bay kinaaliketan na yan Paraon a Poon ha nahyon Egipto. Ket dinyag na yan mamaala ha Egipto boy ha kaganaan a kabandiyan na.”

Efeso 1:3

Galangen tawo yay Apo Dioh a Dioh boy Bapa nan Apo tawon Jesu Cristo. Uli ha pamakimamagha tawo kanan Cristo, ket in-ibyay na kantawo ye kaganaan a pagkangedan a naihpiditowan a ibat ha langit.