Genesis 49:1 - Hiyay Habi nin Dioh boy Genesis boy Ruth

¹ Pangayadi, impaingat na hilan Jacob ye aanak na, ket hinabi na, a wana, “Humaley kawo kangko, ta habiyen ko kanyo ye malyadi lano kanyo.

Genesis 49:1 Iomraidhean Croise

Lucas 2:26

Impatanda nin Ihpiditon Dioh kana, “Ahe ka matey legan ahe moya makit ye Cristo a impangako nan Apo Dioh.”

Didiyag 2:17

‘Hinabi nan Apo Dioh, “Ha kalampuhan nin panaon, yati ye diyagen ko. Itubol koy Ihpidito ko ha kaganaan a lalahi nin tao. Hilay aanak yon laki boy babayi, mangipatanda hilan hahabi ko. Hilay babayontao, makakit hila nin leplep a ipalelep ko kanla. Hilay tutoan lalaki, manaynep hila met nin ipataynep ko kanla.

1 Timoteo 4:1

Makinang ye anhabiyen nan Ihpiditon Dioh, a wanae, “Ha huyot a mangaamot, talingkukolan lan kanayon ye pamteg la kanan Apo Dioh boy humbongen la lanoy mapanalingo a adal a impaihip nin maloke a ihpidito kanla.”

2 Timoteo 3:1

Timoteo, labay kon matandaan mo yati. Bayo kalampuhan nin babe-luta, ket magkamain nin tubat a kaidapan.

Hebreo 1:2

Noba kanlan hilatin kalampuhan a mangaamot, naghabi ya kantawo makauli kanan Anak na. Impapalhowa nan Apo Dioh kana ye babe-luta boy pinili na yan manawid nin kaganaan.

Hebreo 13:1

Pahulong kawon may-ado bilang mikakatongno kanan Apo Jesu Cristo.

Impakit 4:1

Pangayadi yatew, nakit ko ha leplep ko ye maghay ilwangan a nakalukat ihtew ha langit boy nange koyna man ye ba-mon tonoy tamboyok. Hinabi na kangko, “Manik ka ihti, ta ipakit ko kammo ye babagay a malyadi lano.”