Genesis 48:19 - Hiyay Habi nin Dioh boy Genesis boy Ruth

¹⁹ Noba hinabi nan Jacob, “Tanda ko yain, anak ko. Tanda kon mag-ilyadi yan angkabalitaan a tao ye Manase, dayon lalahi na. Noba maiigit ya lano ye makaydeng a katongno na. Mag-ilyadin malabong ye nanahyon lano ye lalahi na.”

Genesis 48:19 Iomraidhean Croise

Genesis 17:4

“Yati ye kahundoan ko kamo. Mag-ilyadi kan bapa nin malabong a nanahyon.

Genesis 25:23

Hinabi nan Apo Dioh kana, “Mangibat kanlan luwan ongi mo a anti ha loob nin bitoka mo ye luway nahyon. Luway lahi nin tatao a mapaylaban. Hiyay magha ket mag-ilyadi yan makapalyadiyan dinan ha magha. Hiyay makaagat ket maghilbi ya kanan makaydeng.”

Genesis 25:28

Kalalabay na yan Isaac ye Esau, ulinan kalalabay nan kena ye angkakwa nan Esau ha pamanti na. Noba hiyay Rebeka, kalalabay naya met ye Jacob.

Genesis 28:14

Hilay lalahi mo ket omen hila lanon kalabong ha towapok ha luta. Ket mitayak hila ha kaganaan a ugoten. Makauli kamo boy ha lahi mo, minged ye kaganaan a nanahyon ha babe-luta.

Genesis 46:3

Hinabi nan Apo Namalyadi, “Hiko yay Apo Namalyadi a Apo Namalyadi nan bapa mo. Adi ka angkalimon makew ha Egipto. Ta diyagen ko hilan angkabalitaan a nahyon ihtew ye lalahi mo.

Genesis 48:14

Noba pinaykodoh nan Jacob ye gamet na, ket impalonto nay wanan a gamet na ha ō nan makaydeng a hiyay Efraim, ket hiyay odi a gamet na, impalonto na ha ō nan Manase a makaagat.

Genesis 48:18

Hinabi na, “Tatang, aliwan hiyabay ye makaagat. Ti ye yay makaagat ha wanan a gamet mo.”

Impakit 7:6

Ha lahi nan Aser, labinluwan libo; ha lahi nan Naftali, labinluwan libo; ha lahi nan Manase, labinluwan libo.

Impakit 7:8

Ha lahi nan Zabulun, labinluwan libo; ha lahi nan Jose, labinluwan libo; ha lahi nan Benjamin, labinluwan libo met.