Genesis 32:5 - Hiyay Habi nin Dioh boy Genesis boy Ruth

⁵ Malabong hilay babaka ko, aahno, tutupa, kakambing, boy lalaki boy babayin iipoh. Haanin, impauna kon impabalita kamo, kaka ko, ta-omen mo koyna tanggapen.”

Genesis 32:5 Iomraidhean Croise

Genesis 30:43

Kaya-bay binumatnang yan tubat ye Jacob. Nilumabong ye kawan na boy hilay iipoh na dayon kakamilyo boy aahno na.

Genesis 31:16

Homain hapo a hiyay kaganaan a babandin inalih nan Apo Namalyadi kanan tatang, ket konin mi boy kanlan aanak mi. Kaya-bay humbongen moy hinabi nan Apo Namalyadi kamo.”

Genesis 31:3

Hinabi nan Apo Dioh kanan Jacob, “Mag-udong kayna ha lugal lan nangaunan tutoa mo boy kanlan papaltido mo, ket lamoan kata.”

Genesis 33:11

Kaya-bay tanggapen moynay digalo ko kamo ulita in-inged na kon Apo Namalyadi boy antina kangko ye kaganaan a matapul ko.” Piaamlogan na yan Jacob ye Esau anggan ha tinanggap nay digalo na kana.

Genesis 33:15

“No wanabay awod, palamoan katawo kanlan tatao ko,” wanan Esau. “Ahe ana katapulan, Kaka! Hiyay maalaga kangko ket tinanggap moko,” wana met Jacob.

Genesis 33:8

“Hinyay labay habiyen nin kakawan a nahagana ko?” wanan Esau. “Hilayatew ket idigalo ko kamo ta-omen moko tanggapen, kaka,” wanan Jacob.

Genesis 47:25

Hinabi lan tatao, “Apo, ampahalamat kayi kamo. Inligtah mo ye bi-ay mi. Pag-ipoh na kayinan Faraon.”

Lucas 12:45

Noba yain a ipoh a pinabaala na, kakaingalo ya no habiyen na ha hadili na, ‘Ah, mabuyot ya po lumateng ye amo ko’, ket bogbogen na hilay kapadiho nan iipoh a lalaki boy babayi haka yan magpapakapda a mangan, minom boy maglahing.

Ruth 2:2

Ha maghay mangaamot, hinabi nan Ruth a Moabita kanan Naomi, “Malyadi lagin makew akon makipamulot nin inuway a nangatugnoh lan ampamalot? Ihtew ako mamulot ha dapit gulotan nin ayaman a mamaluboh kangkon mamulot nin inuway a nangatugnoh.” “Awo anak ko,” wana met Naomi.