Genesis 3:18 - Hiyay Habi nin Dioh boy Genesis boy Ruth

¹⁸ Tumubo ha luta ye iilamon boy madiwin tatanaman. Ket hiyay kanen mo, mangibat ya ha tatanaman ha nikabalang.

Genesis 3:18 Iomraidhean Croise

Genesis 3:17

Hinabi na met Apo Dioh a Namalyadi kanan Adan, “Ulita lingnge mo yay ahawa mo, boy kinan mo ye dawan kayon imbawal kon kanen mo, ihumpa ko ye luta. Ket legan angkabi-ay ka, magteeh kan mag-obda ha luta ta-omen ka main mapupol a kanen.

Genesis 3:19

Panayngetan moy mag-obda ha luta ta-omen main kan pamamangan angga lano miudong ka met ateed ha luta a ibatan mo. Ket ulita ha luta ye ibatan mo, miudong ka met ateed ha luta.”

Mateo 13:7

Main met nangaampag ha antuboan nin madiwin iilamon. Ket ha tinumubo hilatew a bini, tinumubo hilayna met ye madiwin iilamon. Ket tinugpawan lay tinumubo a bibini.

Roma 14:2

Alimbawa, main maghay katongnon ampamteg a malyadi nan kanen ye agya hinyaman a pamangan. Noba hiyay katongnon makapey ye pamteg, ket agayep bengat ye angkena na, ta ampamtegan na a bawal ye mangna nin kena.

Hebreo 6:8

Noba no ilamon boy didiwi bengat ye antumubo nin yatew a luta, ket homain yan hilbi. Kaya-bay ihumpa na yan Apo Dioh boy maulam ya.