1 Timoteo 3:8 - Hiyay Habi nin Dioh boy Genesis boy Ruth

⁸ Hilay māghilbi kanlan māmteg, katapulan met a madangal boy mapatayaan ha hahabi la, aliwa hilan māglahing boy aliwa hilan lupan pilak.

1 Timoteo 3:8 Iomraidhean Croise

Roma 3:13

Hiyay bebey la, ba-mon kabata nin nabenga a bito. Pawa panalingo ye anhabiyen la. Boy ba-mon dita' nin makapi' ye anlumwah ha bebey la.

Filipos 1:1

Hiko yay Pablo, lamo ko yay Timoteo a kapadiho kon māghilbi nan Apo Cristo Jesus. Nanulat kayi kanyon pagtao nan Apo Cristo Jesus ha banwan Filipos, kanyon māngalingay boy kanyon māghilbi lan māmteg.

1 Timoteo 3:12

Hilay māghilbi kanlan māmteg, katapulan maghan bengat ye ahawa la boy tanda lay manguna nin papamilya la.

1 Timoteo 3:2

Katapulan a hiyay māngalingay, ket homain yan pakaumihan, mamaghay ahawa na, tanda nay huhton diyagen, mapamenben nin hadili na, ambihaen la yan tatao, mapananggap yan hangaili, boy tanda nay mangiadal.

1 Timoteo 3:3

Aliwa yan māglahing, aliwa yan matubag no aliwan maanoh ya, ahe yan ampakiaway boy ahe yan lupan pilak.

1 Timoteo 5:23

Hiyay tungkol ha pamili mon mānguna lan māmteg, ihipen mo yati. Main tataon bayo hilan mauhgaan, ket ampibagwa yaynay kahalanan la. Noba hilay kanayon, matandaan yayna lano ye kahalanan la ha kalinghuyotan. Wanabay met ha taon ampanyag nin manged. Main manged a didiyag a tampol matandaan boy main met a aliwan tampol matandaan, noba matandaan ya met ateed lano. Timoteo, nabalitaan ko a maheheg a anhumakit ye dungoh mo. Kaya-bay aliwan bengat lanom ye inomen mo no aliwan titikandin alak met, ta makahaglap ya ha dungoh mo boy kanayon po a angkatanam mo.

Tito 1:7

Hiyay māngalingay lan pangkat nin māmteg, bilang pinatayaan nan Apo Dioh ha abala na, katapulan a homain yan pakaumihan. Katapulan a aliwa yan malambong, aliwa yan tampol angkapoot, aliwa yan māglahing, aliwa yan matubag boy aliwa yan lupan pilak,

Tito 2:3

Ket hilay tutoan babayi met, babalaan mo hilan magbi-ay a matoynong bilang māmteg nan Apo Dioh. Adi hila ampandama boy adi hila māglahing, no aliwan mangiadal hilan kangedan

Santiago 3:10

Mamaghan bebey ye ampangibatan nin pangigalang boy panuboy. Kakatongno ko, aliwa dayin wanabay.

1 Pedro 5:2

Kalingayen yo hilay tatao nin Dioh a naipataya kanyo. Nailalayi hila ha tutupa, ket hikawo met ye magpahtol kanla. Kaya-bay pakahayhayen yo hilan luboh ha puho yo, ulita yati ye labay nan Apo Dioh. Diyagen yo yati, aliwa dayin angkapilit o ulin bengat ha howildo.