1 Corinto 2:16 - Hiyay Habi nin Dioh boy Genesis boy Ruth

¹⁶ Ta wanae ye naihulat a Habi nin Dioh, “Homain nagtanda nin ihip nan Apo ta-omen mamabala kana.” Noba hikitawo, anti yayna kantawoy Ihpiditon Dioh. Kaya-bay ampangihip kitawoyna nin omen ha pangihip nan Cristo.

1 Corinto 2:16 Iomraidhean Croise

Genesis 1:12

Ket tinumubo ya ha luta ye kaganaan a kalahi nin tatanaman, hiyay tanaman boy kakayo a ampanawa nin main but-o. Ket hilayatin kaganaan, nanawa hila nin omen ha kalahi lan tanaman. Nakit nan Apo Namalyadi a hiyay pinalhowa na ket manged ya.

Juan 15:15

Agkatawoynan an-ibilang a ipoh, ta hiyay ipoh, ahe na tanda no hinyay andiyagen nin amo na. No aliwan, imbilang katawoynan gagayyem, ta impatanda koyna kanyo ye kaganaan a nange ko kanan Bapa ko.

Roma 11:34

Ta homain nagtanda nin ihip nan Apo Dioh. Homain met malyadin mamabala kana.

1 Corinto 12:8

Hiyay magha, ambiyan nan Ihpiditon Dioh nin binaba a mangihabi nin habin kadunongan. Ket hiyay magha met, binaba a mangihabi nin tinanda a an-ipaihip nin Ihpiditon Dioh.