Matteu 5:22 - 4 Evangiles en Corse

²² Ma eu vi dicu: ognunu à chì si mette in stizza voltu u fratellu hè da esse ghjudicatu; à chì dice à u fratellu: “o rubbaccia!” hè da esse ghjudicatu da u Sinedriu; à chì li dice: “o scemu!” Hè da lampà in u focu eternu.

Lu Santu Vanghielu di Ghiesù Cristu Secondu Matteiu 1861

²² Ma eiu vi dicu, che chiunque s’ infuria contra lu so fratellu, sarà reiu in ghiudiziu. E quellu, che aurà dettu a lu so fratellu, raca: sarà reiu di cunciliu. E quellu, che li aurà dettu, scioccu: sarà reiu di lu focu di l’ infernu.

Matteu 5:22 Iomraidhean Croise

Matteu 10:17

Guardate vi da a ghjente, chì vi metteranu in manu à i ghjudici, è vi piglieranu à staffilate in e so sinagoghe,

Matteu 10:28

È ùn temite nunda da quelli chì ponu tumbà a persona ma ùn ponu tumbà l'anima; temite piuttostu quellu chì pò fà perde anima è corpu in u focu eternu.

Matteu 12:24

Ma sentendu li i Farusei dicianu: «Comu i caccia, questu quì, i demonii, s'ella ùn hè cù a putenza di Belzebù, u capidemoniu.»

Matteu 17:5

Mentre ch'ellu parlava, eccu un nulu luminosu chì i ingutuppa à tutti, è una voce falata da u nulu dice: «Questu quì hè u mo figliolu predilettu, quellu chì mi ralegra. State lu à sente!»

Matteu 18:21

Allora Petru s'avvicinò da Ghjesù è li cherse: «O Signore, quantu volte averaghju da perdunà à u mo fratellu s'ellu mi face u male? Sin'à sette volte?»

Matteu 18:35

Cusì ferà cù voi tutti u mo Babbu chì stà in i celi, sì nimu hè bonu à perdunà di core à u fratellu.»

Matteu 23:15

«Guai à voi, falsi chè vo site, scribi è Farusei chì girate terra è mare per riesce à cunverte una sola persona, è po quand'è voi l'avete acquistata, a fate degna di l'infernu duie volte peghju chè voi!

Matteu 23:33

Serpi, figlioli di serpi, cumu vi puderiate francà da u castigu di l'infernu?

Matteu 25:41

«Tandu dicerà à quelli chì sò à a so manca: “Andate vi ne luntanu da mè, i maladetti, ver di u focu eternu appruntatu da u diavule è i so anghjuli,

Matteu 26:59

I capisacerdoti è u Sinedriu sanu circavanu una tistimunianza falsa contr'à Ghjesù, da pudè lu tumbà.

Matteu 3:17

È una voce di i celi dicia: «Questu quì hè u mo Figliolu predilettu, quellu chì mi ralegra.»

Matteu 5:34

Ma eu vi dicu d'ùn ghjurà micca, nè per u celu, chì ghjè tronu di Diu,

Matteu 5:44

Eu vi dicu: i vostri nemichi tenite li cari, è pricate pè quelli chì vi perseguiteghjanu,

Marcu 14:55

È i capisacerdoti è tuttu u cunsigliu, circavanu una testimunianza contru à Ghjesù, per fallu more, ma ùn ne truvavanu.

Marcu 15:1

Subitu à l'alba, i capisacerdoti si cunsultonu cù l'anziani, i Maestri di a Lege è tuttu u cunsigliu, è dopu d' avè ligatu à Ghjesù u purtonu per mettelu in manu à Pilatu.

Lucca 12:5

Vi faraghju veda quillu chì hè da tema: timiti lu, quillu chì dopu d'avè tombu hà u puteri di lampà vi in infernu; iè, a vi dicu, timiti à ellu.

Lucca 22:66

Quand'ellu fece u ghjornu, u cunsigliu di l'anziani di u populu s'adunì cù i capisacerdoti è i Maestri di a Lege è u purtedinu davanti à u Tribbunale Riligiosu

Ghjuanni 11:47

Cusì i capisacerdoti è i Farusei adunitini un Cunsigliu è dissini: «chì faremu? Chì quistu l'omu faci i segni miraculosi assai.

Ghjuanni 15:25

Par ch'edda venghi cumpiita a Parola scritta in la so Legi: mi ani udiatu senza mutivu.

Ghjuanni 7:20

A ghjenti risposi: «ai un dimoniu in tè! Quali cerca di tumbà ti?»

Ghjuanni 8:48

I Ghjudei rispunditini è li dissini: «ùn dimu bè, chì tù sè un Samaritanu è chì tù ai un dimoniu?»