Matteu 22:16 - 4 Evangiles en Corse

¹⁶ È li mandanu i so discepuli cù quelli di u partitu d'Erode. Dicenu: «O maestru, sapemu ch'è tù sì veritativu è ch'è tù insegni a strada di Diu, è ch'è tù ùn temi à nisunu perchè chì ùn guardi in facia à nimu.

Lu Santu Vanghielu di Ghiesù Cristu Secondu Matteiu 1861

¹⁶ E li mandonu li so’ discipuli cun di l’ Erodiani, dicendu: Maestru, sapemu, che sei veridicu, e che insegni la via di Diu secondu la verità, e che nun hai cura di altru: perchè nun hai riguardu a le persone:

Matteu 22:16 Iomraidhean Croise

Matteu 22:24

«O Maestru, hà dettu Musè: s'è unu more senza figlioli, u fratellu spuserà a veduva è cusì derà figlioli à u so fratellu .

Matteu 22:26

Hè stata listessa pè l'altru è pè quill'altru, à sin'à u settesimu.

Matteu 26:18

Ghjesù rispose: «Andate in cità ind'è u tale, è dite li: “U Maestru ti manda à dì ch'ella hè ghjunta a so ora è ch'ellu vene in casa toia cù i so discepuli pè a cena di a Pasqua.”»

Matteu 26:49

Cusì Ghjuda s'avvicina è dice à Ghjesù: «O Maestru, ti salutu.» È u basgia.

Marcu 10:17

Quandu Ghjesù escì per mettesi in strada, accorse unu chì inghjinuchjendusili li dumandò: «O bon Maestru, chì mi tocca à fà per riceve a vita eterna.»

Marcu 12:13

È li mandedenu unipochi di Farusei è d'Erodiani per intrapulallu inde e sò parolle.

Marcu 12:14

Ghjunghjendu à truvallu li dissenu: «O Maestru, a sapemu ch'è tù sì sinceru, ch'è tù ùn ti lasci intimurì da nimu, ch'è tù ùn faci casu à ciò ch'ella pare a ghjente, ch'è tù insegni a strada di Diu secondu a verità. Sarà permessa di paga l'impositu à Cesaru? Sì paga o nò?»

Marcu 3:6

Allora u Farusei si n'andonu per raghjunà subitu cù quelli d'Erode, è vede cumu fà more à Ghjesù.

Marcu 8:15

Ghjesù li s'arricumandò, dicenduli: «Fate casu, è un vi fidate di u levitu di i Farusei nè di quellu d'Erode.»

Lucca 20:21

U intarrughedinu è dissenu: «o Maestru, a sapemu chì tù parli è insegni cumu si deve, è mancu cambii faccia davanti à nimu, ma insegni a strada di Diu sicondu u veru.

Lucca 7:40

È Ghjesù li dissi: «o Simò, aghju calcosa da dì ti. È ellu dissi: parla, o Maestru.»

Ghjuanni 14:6

Ghjesù li dici: «eiu socu a strada, a virità è a vita; nimu veni à u Babbu s'eddu ùn passa par mè.

Ghjuanni 18:37

Tandu Pilatu li dissi: «allora sè Rè?» Ghjesù risposi: «a dici tù ch'e' socu Rè; eiu socu natu è vinutu in u mondu, da tistimunià pà a virità; à chì hè di a virità stà à senta a me boci.»

Ghjuanni 7:18

À chì parla da par eddu cerca a soia a gloria; à chì cerca a gloria di quiddu chì l'hà mandatu, hè viritativu è in eddu ùn ci hè inghjustizia.