Matteu 18:3 - 4 Evangiles en Corse

³ è li disse: «Da veru, a vi dicu, s'è vo ùn cambiate è ch'è vo ùn tornite cum'è i zitellucci, mancu intrerete in u regnu di Diu.

Lu Santu Vanghielu di Ghiesù Cristu Secondu Matteiu 1861

³ E disse: Vi dicu in verità, se nun vi cunvertite, e nun turnate come li zitelli, nun intrarete in lu regnu di li celi.

Matteu 18:3 Iomraidhean Croise

Matteu 13:15

Chì u core di stu populu hè diventatu duru, è si sò tappati l'arechje è si sò tappati l'ochji da ùn vede più cù l'ochji nè sente cù l'arechje, nè capì nè cunvertisce si cù u core nè lascià si guarì da mè .

Matteu 18:2

Ghjesù chjamò un zitellu, u messe à mezu à elli

Matteu 18:4

Quellu chì si sà fà chjucu cum'è stu zitellu, ecculu u più impurtante in u regnu di Diu.

Matteu 19:14

Ghjesù disse: «Lasceti sti zitelli, ùn l'impedite di vene ind'è mè, chì u regnu di i celi hè da i pari soi.»

Matteu 19:23

Tandu Ghjesù disse à i discepuli: «Da veru, a vi dicu, un riccu serà difficiule ch'ellu entri in u regnu di i celi.

Matteu 5:18

In verità a vi dicu: fin ch'elli duranu celu è terra, ùn si cambierà una virgula di a lege, è cusì fin chì tuttu sia compiu.

Matteu 5:20

A vi dicu, s'è vo ùn fate a ghjustizia di più chè i scribi è Farusei, mancu ci entrerete in u regnu di i celi.»

Matteu 6:16

«È quand'è vo farete u dighjunu, ùn siate micca cum'è i falzi musi longhi, chì storcenu u grunghju da fà vede à l'omi ch'elli facenu u dighjunu. Da veru a vi dicu: a so paca l'anu.

Matteu 6:2

«Perciò quand'è tù ferai a limosina ùn andà micca trumbittendu cum'è i falsi in e sinagoghe è in e strade, chì quelli volenu esse glurificati da l'omi. Da veru, a vi dicu, a so paca l'anu.

Matteu 6:5

«È quand'è vo pricate, ch'è vo ùn siate cum'è i falsi, chì li piace à pricà arritti in e sinagoghe, è in i scorni di e piazze, per fà si vede da l'omi. Da veru, a vi dicu: a so paca l'anu.

Marcu 4:12

di modu chè, Guardendu ch'elli ùn veghinu, sintendu è bè ch'elli ùn capiscanu, per ch'elli ùn si cunvertinu è avè riscattu di i so peccati. »

Lucca 13:24

«feti i sforzi da entra pà a porta stretta, chì parechji, a vi dicu, pruvaranu à entra è ùn pudaranu.

Lucca 22:32

Ma aghju pricatu par tè, ch'ella ùn smetti a to fede, è tù, vultatu chì tù sarè, furtificheghja i to fratelli.»

Ghjuanni 1:51

È li dissi: «a vi dicu da veru, eti da veda u celi apartu è l'Agnuli di Diu chì coddani è chì falani sopra à u Fiddolu di l'Omu.»

Ghjuanni 3:3

Ghjesù risposi è li dissi: «da veru, a ti dicu à chì ùn hè turratu à nascia ùn pò veda u Regnu di Diu.»

Ghjuanni 3:5

Ghjesù risposi: «da veru a ti dicu, à chì ùn nasci d'acqua è di spiritu, ùn pò entra in lu Regnu di Diu.