Matteu 16:26 - 4 Evangiles en Corse

²⁶ S'è unu vince u mondu sanu à chì li puderà ghjuvà s'ellu ci perde l'anima? O allora cùn chene l'hà da barattà, l'omu, a so anima?

Lu Santu Vanghielu di Ghiesù Cristu Secondu Matteiu 1861

²⁶ Ed in fatti cosa ghiova a l’ omu, s’ ellu guadagna tuttu l’ universu, e ch’ ellu perdi la so anima? O cosa po dà l’ omu in cambiu di la so anima?

Matteu 16:26 Iomraidhean Croise

Matteu 16:25

À chì vole salvà a so vita l'hà da perde; à chì perde a so vita per mè a truverà.

Matteu 16:27

U Figliolu di l'Omu hà da vene in a gloria di u Babbu cù i so anghjuli. È pacarà à ognunu secondu a so manera di fà.

Matteu 5:29

U to ochju drittu s'ellu ti scandalizeghja caccia lu è frumbula lu luntanu, chì ti cunvene à perde un membru solu, è a to persona sana ch'ella ùn sia lampata in u focu eternu.

Lucca 12:20

Ma Diu li dissi: “o scemu, sta notti ti sarà ripigliata a to vita. Tuttu ciò chì tù ai appruntatu, da quali sarà?”

Lucca 16:25

È Abraamu li dissi: “u me figliolu, ramenta ti chì tù ai ricivutu tuttu u bè ind'a to vita, è cusì Lazaru hà ricivutu u mali; ma oramai quì hè ricuvaratu, è tù strazii.

Lucca 9:25

Ùn vale chì un omu vinci u mondu sanu, s'ellu si perde o s'arruvina da par ellu.