Махьтвеест 6 - Махьтвеест Пась‐Евангели 1-22 1878

Кудант алкхэш.

¹ Кихчед, іеллед аньтед иджант антмушійт олмый эвдест тэн гуэйк што уйнчин тиныйт; іересналла тійе ій линче пальхк тинэ альм‐аджест.

² Нит, куэсь тон вайваш‐антмушійт антах, іель райк‐мурэ чэдэ кукхэл иджант эвдест, кохт туешеб кухтла синагогыйн и іэтксист, што олмо синыйт китчин. Вуйкест тійе сарнам: сій уже вальтеб иджес пальк.

³ А тонст, куэсь тон андах вайваш‐антмушійт, ань тонэ чиндж кит ій тидчи, мыйт еал уэльгис‐кит;

⁴ Што тонэ антмужэ лихчин пяйхтест; и тонэ ачь, ку уйн пяйхт‐туійт, макс тонне элмед.

⁵ И, куэсь коммэрдэлах, іель нит туешт, кохт кухтла, кук шабъшеб іэскнед синагогыйн и углійн іэтк?-?сій мильт коммэрдэллем варас, што вусьхувчин олмый эвдест. Вуйкест тійе сарнам, сій уже вальтеб иджес пальк.

⁶ Тон‐же куэсь коммэрдэлах, мэнэ иджант пэрьхте, лохкед увсант и коммерт иджант ачча, ку ли пяйхтасьт; и тонэ ачь, ку уйн пяйхт‐туе, макс тонне элмед.

⁷ А куэсь тій коммэрдэлбуэттед, іеллед сарнед лике сагыйт, го рыстнахтем; тэн мильт што сій юрьтеб, што іенгеттед иччис саныйн лянч кулманч синэ сагэ.

⁸ Іеллед іеллед синый мильт; тіет тинэ ачь, ми тійе быт эвтель тэн, куэсь тій анешкуэтбеттед сонст.

⁹ А коммэрдэллэд нит: Минэ ачь, тон ку лях альмест! ань пазьхув тонэ нэм;

¹⁰ Ань поат тонэ царство; тонэ валт ань лянч и іемне альн кохт альмест;

¹¹ Минэ тармьинч лейп аньт мійе тан пяйвас;

¹² И кудэ минэ вильгійт, кохт и мій куттеп вялглайдан;

¹³ И іель выгъ миныйт кихчлемушше, а піесьт миныйт нюэзест. Тэн‐гуэйк што тонэ ли царство и сам и шур‐нэм акь баяс. Амин.

¹⁴ Буди тій альгнеппед олмыйт простьед синэ рикійт, танна и тиныйт просьтай тинэ альм‐ачь.

¹⁵ А іеппед альгне простьед олмыйт синэ рикійт, танна и тинэ ачь ій простье тійе тинэ рикійт.

¹⁶ Нит‐же куэсь тій пазьхеппед, іеллед тіеньтед уйвидант вуэлас готь кухтла: сій пійеб казвайдис сіевньден тэн варас што вузьхуввед олмыйт пазьхейен. Вуйкест тійе сарнам: сій уже вальтеб палькес.

¹⁷ А куэсь тон лях пазьхемен, вуйтель оайвант и пэзэ касвант;

¹⁸ Тэн гуэйк што иттед пазьхейен ій олмый варас а иджант адже эвте, ку ли пяйхтасьт; и тонэ ачь, ку уйн пяйхт‐туійт, макс тонне элмсе.

¹⁹ Іеллед копчед иччант еалайт іемне элэ, косьт куэйхе и руст торм и косьт сул‐олмо раппэб и суэлнеб;

²⁰ А копчед иччант еалайт алма, косьт куэйх да ни руст ій тормэ, и косьт сулло іеб раб и суэлэнт іеб.

²¹ Тэн мильт што косьт ли тинэ еал, тампе лянч и кутьк тинест.

²² Чальм ли лишк варас тувэсен. И нит, куэсь тонэ чальм лянч путтес, танна лянч пук тонэ лишк чуввэд.

²³ А куэсь тонэ чальм шэнтинч нюэссен; танна лянч пук тонэ лишк сіевньден. И нит, куэсь чув, ку ли тонст, лянч сіевнедвут, маньтем лянч танна сіевнедвут?

²⁴ Ій уэй ни кіе слушшед кувьт шурре; или эвт ій шабэшешгуэд, а нумпь алк шабэшед, или сон тэн пинешкоат, а нумпь ій альк воарьдед. Іеппед уэй слушшед Иммела и Маммона.

²⁵ Тан мильт тійе цялкам: іеллед вулэхеккед иджант иӈк гуэйк, мыйт порред и мыйт юккед, ни ій иджант роӈьк варас, мэйн тэввэнэттед. Иӈк ійя ля шурямп пормушшед и роӈьк ійя ля шурямп асгійт?

²⁶ Вилшхеккед альм лоньдій элэ: сій іеб калы ды ни чуп іеб ды ни копч іеб айтійт; и тинэ альм‐ачь порт синыйт. Іеппеда тій лях чевта пурямп синыйт?

²⁷ И ни кіе тинест ій уэй иджес вулыйн лашьхед роӈькес (хотя) и эвт карьӈель віерьт.

²⁸ И асгій варас мэйт тій вулэхеппеп? Кичсеккед пялтэ поалэй элэ, кохт сій шэнтеб. Сій іеб лык ни мэйт, и ни понэ іеб.

²⁹ А тійе цялкам: и Соломон шурред славесес ій тэвнэтманч нит, готь юкьянч синест.

³⁰ Го нит Иммель тэвнахт пялт‐разь, ку тарьм ли, а ента лянч суэхпянч кивкна, то тинійт вял пурямп тэвнахт, вань‐віерлайт!

³¹ Тэн гуэйк іеллед вулэхеккед и іеллед сарнед: ми мійе порред? или мэйн тэвнэттед?

³² Тэн гуэйк што тан пук оццеб рыстнахтем; и тэн гуэйк што тинэ альм‐ачь тіет, што тійе тайт пук быт.

³³ А эвтель оццед Иммель царства и сонэ вуйкедвудэ, и тат тійе пук лянч.

³⁴ Тэн мильт іеллед вулэхеккед ентьинч піейв варас. Тэн гуэйк што ентьинч піейв ич лянч вулэхед иджес варас. Лянч юкке піейвест иджес варас вуллэд.