Махьтвеест 5 - Махьтвеест Пась‐Евангели 1-22 1878

Выдант алкхэш.

¹ Куэсь сон уйній олмыйт, сон мэный тіерме элэ; и куэсь сон ыштый, путтин сонне сонэ уэпсувэе.

² И сон аведь иджес няльме, уэпесть синійт, сарнай:

³ Оазлэж тэк ліеб, кук ліеб вайваш иӈкійнис; тэн гуэйк што сннэ ли альме цар‐валт.

⁴ Оазлэж ліеб луйкей; тэн гуэйк што сій іэскеб.

⁵ Оазлэж тэк ліеб, кук ліеб суэне; тэн гуэйк што сійе кутьед лянч іемне.

⁶ Оазлэж тэк ліеб, кук ліеб вуйкедвудэ ніельгест и кошкест; тэн гуэйк што сій линчин калнанч.

⁷ Оазлэж ліеб тэк, кук ліеб лавьдес олмо; сійе лянч лавьдесвут.

⁸ Оазлэж тэк ліеб, кук ліеб кутькійнис пухтас; сій линчин уйнед Иммель.

⁹ Оазлэж мырдэттей ліеб; линчин сій сарнманч Иммель алькен.

¹⁰ Оазлэж тэк ліеб, кук ліеб вуэеханч іерс сайя вуйкедвудэ гуэйк: синэ ли альм‐царство.

¹¹ Оазлэж тій ліеппед, куэсь тинійт линчиш санійн чудзхэллэд и вуехед и юккеналла віере саный?-?гуэйм тиныйт віерьхэллэд мунэ гуэйк.

¹² Рамшэттед и віеслушшед; тэн гуэйк што Шурэ ліеб тинест лайхе альмест: нит вуехиш и пророкійт, кук лейин эвтель тинэ.

¹³ Тій ліеппед іемней суль. Буди суль кадхинч самайдис, мыйн сонэ туйшах суэллэй? Сон уже ни коз ій анехт, а што суэхпьед сонэ олкус олмыйт пайель ваньцем налла.

¹⁴ Тій ліеппед тан альме чув. Ій уэй кахтьед лань, чуэнчей тіерм альн.

¹⁵ И пуэлханч тувас асьте вуэлла ій ціеӈкхувэ, а ціеӈкхув тувас юльг элэ, и чуэв пукійт пэртест.

¹⁶ Нит ань чуэв тинэ чув олмый эвдест, што сій уйнчин тинэ шиг туійт, и китчин тинэ альм‐адже.

¹⁷ Іеллед юрьтед што мун путтим сіегхед закон или пророкыйт: мун ым сіегхед поаттанч, а тіев?-?тед путтим.

¹⁸ Вуйкест мун тійе сарнам: кон ій чацк альм и іемне, ій ни эхт іота или ни эхт цякас пудэ законест, эвтель кон ій тявто пук.

¹⁹ И тадэ мильт, кіе сіегахт эвт тайн уцмус пахкмужійн и уэпест олмыйт нит; тэт лянч кохчманч уцмуссен альм‐царствасьт: а кіе тайт туяшт и уэпест, тэт лянч цялхкманч шуррен альм‐царстваст.

²⁰ Тасьт‐го мун тійе сарнам: буди тинэ вуйкедвут ій линче іенамп кирькидій и фарисеій вуйкедвут?-?тед, іеппед линче мэннед альм‐царство.

²¹ Тій кулыйт, што ляй цялхканч поарсійт: іель коньт; кіе конт, тэт лянч антанч судэ вуэлла.

²² А мун цялкам тійе, юкке сіентней вильлес элэ пусьтійт, лянч антанч судэ вуэлла; а кіе цялхк виль?-?лис: рака, лянч антанч синедріон вуэлла; а кіе цялхк: міелхемес, лянч антанч тол‐атту.

²³ Нит, буди тон путтах иджант лайх волтра, и тампе муштьях, што тонэ виль юрт тонэ вуэста мыйт‐ни;

²⁴ Кудь тогэ лайхант волтар эвте и мэнэ, эвтель мырдэд вильлійнант, и танна пуэдэ, путь лайхант.

²⁵ Мырдэд пакьійнант вактамп, кон тон соныйн лях варэст вял, што тоныйн паккэй ій антчи тонэ судья, а судь ій антчи тонэ слушья и тонэ іет ышт?-?хехчиш турма.

²⁶ Вуйкест тонне сарнам: тон тампет ык піезь; кун тон ык аньт маӈемус тяӈкне.

²⁷ Тій кулыйт што ляй сарнманч поарсійт: іель туешт блудэ.

²⁸ А мун тійе цялкам: кіе кяхч нызан‐олмо элэ тахтмужійнис, сон уже ряхктувуй соныйн куткійнис.

²⁹ Буди тонэ уэльгис‐піель чальм тонэ вык ряхка; рутте сонэ мянда и суэхпе иджесант паго: тэн‐гуэйк што пурямп лянч тонне, што тонст эхт рувь майкьяхч, а й лихче пук тонэ роӈкь суэхпьянч атто.

³⁰ І буди тонэ уэльгис‐піель кит тонэ вык ряхка; чуп сонэ іерс сайя, и суэхпе иджесант; тэн гуэйк што лянч пурямп тонне што майкьяхч эхт рувь тонст а ій пук лихче тонэ роӈкь суэхпьянч атто.

³¹ Цялхканч ли нит‐же, што буди кіе раткьинч иджес капгест, ань ант сонне раткьем‐кирь.

³² А мун цялкам тійе: кіе раткай капгестес іерес віерасвудэ гіеччен, мэн блудэ гуэйк, сон вык сонэ блудэ туэйя; и кіе найхтлат ратканч капге, тэт туяшт блудэ.

³³ Вялъ тій кулыйт, цялхканч ляй поарсійт: іель мэнэ пайель Иммель‐сане, а тіевт иджант Иммель‐сане Иммель эвдест.

³⁴ А мун цялкам тійе: іель кліендэд ни мэн віерьт: ни эльмійн, тэн‐гуэйк што сон ли Иммель ыштем‐сай;

³⁵ Ни іемнійн, тэн‐гуэйк што сонэ юльксае ліеб; ни Іерусалимыйн, што сон ли шур царэ лэнь.

³⁶ Ни уйвинант іель кліендэд, тэн‐гуэйк што ык уэй ни эвт вупт туешед вилкден или чахпден.

³⁷ А ань нит лянч тинэ сань: ли, ли, иллях, иллях; а ми ли тан элэ, тэт ли нюэзест.

³⁸ Тій кулыйт што ляй цялхканч: чальм чальме сайя и пань пане сайя.

³⁹ А мун тійе сарнам: іеле вуэстласьт нюзійн. Ну кіе тонэ часк уэльгис‐піель нирре, кавест сонне и нумпь піель.

⁴⁰ И кіе татаст тоныйн суттэттед, и вальтед тонст пайт, аньт сонне и олгельт асгійдант.

⁴¹ І кіе тонэ вулгахт соныйн ваньцед эвт вирст, ваньц соныйн кухт.

⁴² Аньт тэз, ку тонст ан, и тесьт ку тонст тахт лайнас вальтед, іель коввес паго.

⁴³ Тій кулыйт, што ляй цялхканч: шабешт иджант альдес и куньт ніене иджант пас‐олмо элэ.

⁴⁴ А мун цялкам тійе: шабшеккед иджант пас‐олмыйт, блавэсловвед кук тиныйт кордин, туйшеккед сійе пуре, кук тиныйт іеб шабешт, и коммердэллед тэй эвтель, кук тиныйт чудзъхэллэб и выхчтеб:

⁴⁵ Што шэнтчиппед альм‐аджант алькен; тэн гуэйк што сон пахк пяйвась пайнед пасникій альн и пурій альн, и вулкхал абрь вуйк‐олмый элэ и віерь‐олмы й элэ.

⁴⁶ Тэн мильт што, буди тій алькбэттед шабшед тэйт, кук тиныйт шабшеб, ми лянч тійе палькійт. Нит‐же чоаӈк копчей туйшеб?

⁴⁷ И буди тій іельбиттед пуэрасьт эвтій виль?-?линт‐гуэйм, мыйт тій туешеппед іерес туійт? Нит‐же и рыстнахтем туешеб?

⁴⁸ И нит тій куэтьеккед тивтса, кохт тинэ альм‐ачь ли тивтас.