Махьтвеест 3 - Махьтвеест Пась‐Евангели 1-22 1878

Коалмант алкхэш.

¹ Тэй пійвій поат Эвван Рыстей, и сарн Иммель сагыйт Іудее міецест,

² И цялхк: кайдэттед; тэн‐гуэйк што альтла ли поаттанч альм царэ‐валт.

³ Тэн гуэйк што сон ли тэт, кон баяс пророк Исаія цилькій: кукхэллэй ин міецест: валмшеккед вара Шурре, туйшеккед чухкыйт сунне вуйкист.

⁴ Ич‐ше Эвван оній аскійт верблюд сэхсмест и нахьк‐поаккань пыр чоалэшмес; а піеркен сонст лейин суйн‐нючкей и міехц‐мит.

⁵ Танна Іерусалим и пук Іудей и пук іемне‐коньт пыр Іордан видденин сунне,

⁶ И сій рыстнэттен сонст Іордэнест и кайдэттен рикійнис.

⁷ Ну куэсь Эвван уйній іеннег фарисейед и садукейед иджес горра пуэттем рыстнэттем варас, цилькій сійе: кувд шэнтус тій! кіе тійе пакай виччед пуэттей сіентмужест паго.

⁸ Те туешеккед кайдэтмуж анехей шантайт;

⁹ И іеллед юрьтед сарнед ичсант: ачь минест ли Абрам; тэн мильт што мун сарнам тійе, што Иммель оай тайн кидгійн паяс пайнестед парнайт Абрама.

¹⁰ Уже и акш ор мурій манткіин: юкке мур, ку ій путь шиг шантайт, чухпьеб и суэхпьеб толле.

¹¹ Мун рыстам тиныйт чадзест кайдэтмушше; ну ли мунэ мильт пуэттей самьямп муннэд; мун ым анехт куньтед сонэ камгійт; сон рыстлешкоат тинійт Пась?-?вуйӈсійн и толыйн.

¹² Сонэ коайв ли кидест сонст и сон чилк иджес яв‐сіемен‐таккэм‐пэрт, и копч пшеницес айхта, а яв‐шэнтем суйн сон поалт чацкнахтем толыйн.

¹³ Танна поат Исус Галилеест Іордане, Эвван горра, рыстнэттед сонст.

¹⁴ Эвван же тульсэлый сонэ, и сарнай: мынне быт рыстнэттед тонст, и тонна мынне поадах?

¹⁵ А Исус цилькій сонне вуэста: куде ать нит; тэн гуэйк што нит мійе шіехт туйшед юкке вуйкедвудэ. Танна Эвван луэшт сонэ.

¹⁶ И рыстнэтманч Исус вактыньне чадзест війдій; и кич, альме сонне авнын, и уйній Эвван Иммель вуйӈас, ку вуэлас пудій, готь колупь, и сонэ элэ ниій.

¹⁷ И кич, сарнешкудій альмійн ин: Тат ли мунэ шабъшем альк, ку ли мунэ иӈкед мильт.