Махьтвеест 21 - Махьтвеест Пась‐Евангели 1-22 1878

Кухтлогант эхт алкхэш.

¹ И куэсь сій алтнин Іерусалимме, и путтин Виф?-?фагейя, Елеон тіерьм луз; танна Исус вульгехт кухт уэпсуввэе,

² И цилькій сійе: мэннэд сійте, ку ли вуйкест тиный эвдест; и тедеханна вуэрест ковнбеттед ниӈглэзе осселэ корманч и нур осселэ соныйн; чуэвтед и похтед мынне.

³ И готь кіе цилькинч тійе мэйт‐нй; ціельхкед вуэста, што синыйт быт шурре; и вактинне вулкахт синыйт.

⁴ А пук тэлайхте ляй, што лянч тэн мильт, ку ляй сарнманч пайель пророк, ку сарн:

⁵ Ціельхкед Сіон нійте: кич, тонэ цар поат тонэ горра, суэне, ор ниӈлэс осселэ альн и нур осселэ альн, товас осселэ альге альн.

⁶ Уэпсуввэе вулькин, и нит лыккэшкуттин, кохт пакай сійе Исус.

⁷ Сій похтин ниӈлэзэ осселэ и нур осселэ, и пійин синый элэ иджес асгійт, и сон ыштій синый элэ.

⁸ А іеннэг олмнеттед шиттин асгійдис чухко мильт; а мутам чухпин увсійт мурыйн, и шиттин чухко мильт.

⁹ А олмо, кок ваньцип эвдест и кок сахтин, лэӈкин: Осанна Давыд алка! Благословманч ли тэт, ку поат Иммель нэмме! Осанна паймузест!

¹⁰ И куэсь сон мэній Іерусалимме, омп лань лыкнешкудій, и сарнай: кіе тат?

¹¹ А олмо сарнун: тат ли Исус, пророк Галилее Назаріетест.

¹² И соаӈай Исус Иммель ціерьква, и вуехт пукыйт микьійт и уэстьійт ціерьквест олгус, и комехт ваехеій тулійт, и голуп миккеій ыштем‐сае.

¹³ И сарнай сійе: ли кирьханч: мунэ пэрхт коччай малец‐сане пэрхтен; а тій туешійт сонэ олмо?-?чузэхэльій вуэӈкен.

¹⁴ И путтен сонне ціерьквест чальмехеммес и лэхкуш; и сон тирвхэттій синыйт.

¹⁵ Ну куэсь шуремус пап и кирь‐кидэ уйнин уйнахтем туійт, койт сон туишт, и парнайт, кок кукхэллин ціерьквест и сарнун: Осанна Давыд алка! танна сій сіентин.

¹⁶ И цилькин сонне: кулаха тон, мэйт сій сарнеб? Исус сарн сійе: кулам! Іеппеда тій локманч ни куэсь: уць парнай и раньт‐парнай няльмійн Тон туе?-?ших кихтмуж?

¹⁷ И кудій синыйт, ливтій олгус ланнест Ви?-?фанейе и тампед ійиди.

¹⁸ А инцек, куэсь сон маст махцель ланна, порссувый.

¹⁹ И сон уйній чуэкас гурест эвт смоква‐мурэ, и пудій сонне альт; и готь сонст ій ковнма ни мэйт го эвтійт лэстійт, сарн сонне; иллинче тонст эвдус ни куэсь шантайт айк баяс. И смоква‐мур тестханна кошкый.

²⁰ Куэсь уэпсуввэе тан уйнин, сій тэвехушшин, и сарнун: кохт тэн вактинне кошкый смоква‐мур?

²¹ Ну Исус цилькій сійе вуэста: вуйкест тійе сарнам: анешкудэниппед віерэ, и іеппед пусьтійт юрь?-?тешкудне, танна іеппед линче эвте тэн туе туешед, ми ли туешанч смоква‐мурре, а го тій ціельхбеттед тан тярма: пайен и іорэ міерре, нит и лянч.

²² И пук, мэйт тій анэнеппед малец‐санійн віе?-?райн, вальтбеттед.

²³ И куэсь сон пудій ціерьква, и уэпест; путтин сонне шуремус пап и поарсемуз олмыйн, и цильхкин: кіен тон валтайн тан туешах? И кіе тонне эньтій мукка валт?

²⁴ Исус цилькій сійе вуэста: кэджам и мун тинест эвт баяс: готь тій цилькниппед мынне, нит и мун тійе цялкам, койн валтайн тан туешам.

²⁵ Косьт ляй Эвван рыстмуш: эльмійн али олмыйн? Сій кэскнис юрьтин: готь ціельхкеп эльмійн, то сон цялхк мійе: мэн гіеччен тій танна іеппед вирманч сонне?

²⁶ А готь ціельхкеп: олмыйн; пэллэп олмыйн; тэн гуэйк што пук логэть Эвван пророккен.

²⁷ И цильхкин Исуссе вуэста: іеп тиде. Цилькій сійе и сон: и мун тійе ым ціельк, койн валтайн тан туешам.

²⁸ А махт тинэ милест ли? Эхтед олмусьт лійин кухт альг; и сон пудій автьмузе лузэ, цилькій: альк, мэнэ и туешт тарьм мунэ вын‐айдест.

²⁹ Ну сон вуэста цилькій: ым тат; а маӈьлест табэхувый и вулькій.

³⁰ И мэній нумпа, цилькій тэн‐ше. Тат цилькій вуэста: вуэлгам, шур; и ій вуэлканч.

³¹ Ку куэхтсест якхэлый аджес пахкмуж? Сій сарнеб сонне: автьмус. Исус сійе сарн: вуйкест сарнам тійе, што мыттаре и оаккэе нызан эвтель тинэ мэннеб Иммель царства.

³² Тэн гуэйк што пудій тійе Эвван вуйкедвудэ варайн; и тій іеппед вирманч сонне: а мыттаре и оаккэе нызан виррин сонне; а тій хошше и уйнійт тан, іеппед кайдэтманч маӈӈа, што вирред сонне.

³³ Куллэд нумпь арвдэз: ляй мутта пэрт хозьен, ку ыштехт вын‐айде, пыр цяӈгай айдайн сонэ, рабай сонст вын‐авде, туишт башьн; и эньдій сонэ вын‐айтникійт, и вульгій паго.

³⁴ А куэсь пудій шантай паль; сон вулгехт иджес пахкам‐олмыйт вын‐айтникій лузэ, вальтед иджес шантайт.

³⁵ Вын‐айтник табхин сонэ пахкам‐олмыйт, мутам куппин, мутам коньтин, а мутам кидкій‐гуэйм куппин.

³⁶ Овта вулгехт нумбійт пахкам‐олмыйт, іенамп эвтлинчед; и синый гуэйм туешин нит‐ше.

³⁷ Маеӈмуссе вулгехт иджес альг сійе, сарнай: сій окнушшеб мунэ альге.

³⁸ А вын‐айтник, куэсь уйнин альге, ціельхкеб нумпь нумпас: тат лянч еал‐анней; вуэлкеп, контака сонэ и валтака сопэ куэтьее еалэ.

³⁹ И табхен сонэ, виккин олгус вын‐айдест и коньтин.

⁴⁰ Тэн гуэйк, куэсь пудинч вын‐айде хозьен, мэйт сон іелешкоат тай вын‐айтникій‐гуэйм?

⁴¹ Сарнеб сонне: тайт пас‐олмыйт ант пас сорма, а вын‐айде сон ант нумбійт вын‐айтникійт, кок линчин аньтед сонне шантайт синэ палій мильт.

⁴² Исус сарн сійе: іеппеда тій локманч ни куэсь кирьійн: кіедг, кон туешее олмо сухпьин, тэт шэндій угл‐уэйвен; тат ли Имлест, и ли тиввен минэ чельмійн?

⁴³ Тэн мильт сарнам тійе, што лянч валтланч тинест Иммель царства, и лянч антанч олмыйт ку похт сонэ шантайт.

⁴⁴ И тэт, ку іор тан кіедг элэ, муртлат; и кіен элэ сон іор, тэн пач.

⁴⁵ И куэсь сій куллин сонэ арвдэзійт, шуремус пап и фарисее арьвдин, што сон синый баяс сарн.

⁴⁶ И сій тахтун сонэ табехед; а пэллин олмыйн: тэн гуэйк што анниш сонэ пророккен.