Махьтвеест 19 - Махьтвеест Пась‐Евангели 1-22 1878

Ахцемплогант алкхэш.

¹ Куэсь Исус луптій тайт сагыйт; танна сон вульгій Галилеест, и пудій Іудее чорро Іордан туэкка.

² Сонэ мильт іеннег пудій олмнеттед, и сон тирвхэттій синыйт томбет.

³ И путтин сонне фарисее, и сонэ кихчлем варас цильхкин сонне: лійя олмне валт юкке ашшест раткьед иджес капгест?

⁴ Сон цилькій сійе вуэста: іеппеда тій локманч, што ку сидій алькей айгест, алм‐олмо и нызан‐олмо сидій синыйт?

⁵ И цилькій: тан мильт куэт олмунч аджес и іеннес, и ахт иджес капка, и линчин кухт эвт лышка.

⁶ Нит што сій уже іеб лях куэхтасьт, а эхт лишк. І нит, мэйт Иммель эхтедь, тэн олмне ій биде ратькед.

⁷ Сій сонне сарнеб: ну мэн гуэйк Мойсей пакай аньтед раткьем‐кирь, и раткьед сонст?

⁸ Сон сійе сарн: Мойсей, тинэ кэр кутькій гуэйк, тійе аньдій валт раткьед иджант акійн; а алькмен иллинч нит.

⁹ А мун тійе сарнам: кіе раткай иджес капгест іерес туест го ряхктувмуж гуэйк віерсій гуэйм, и найхтлат нумпа; тэт ли віерсій гуэйм рякланч; и кіе найхтлат ратканч капка, ли віерсій гуэйм рякланч.

¹⁰ Сарнеб сонне сонэ уэпсуввэе: кохт олмунч нит лянч корманч иджес капка; то пурямп сонне ли ій найхтлэттед.

¹¹ А сон сійе цилькій: ій пукыйт тат сань чоагэ, а кіез ли антанч.

¹² Тэн гуэйк што ліеб кацканч олмо, кок іеннес човьест шеньтин нит; и ліеб кацканч олмо, кок ліеб кацканч олмый гіеччен; и ліеб кацканч олмо, кок иджа кацкин иджес альм царства гуэйк. Ку оай чагенед, ань чагянт.

¹³ Танна похтанч лійин сонне парна, што пі?-?яхч синый элэ кидійдис, и коммэрдэлахч; а уэпсуввэе сивтин синыйт.

¹⁴ Ну Исус цилькій: лушьтед парнайт, и іеллед цавцед синыйт потлеммен мунэ горра; тэн гуэйк што теле‐мукмій ли альм‐царства.

¹⁵ И пиій синый элэ кидійдис и вульгій тампе.

¹⁶ И кич, пудій эхт олмунч и цилькій сонне: шиг уэпсей! мэйт мынне быт туешед шикнійт, тэн варас, што мынне лехч аге‐еалмуш?

¹⁷ Ну сон цилькій сонне: мэйт тон коччах мунэ шикнен? Ни кіе иллях шиг, готь эхт Иммель. А готь тон татах мэннэд аге‐еалмушше; тульэде (Иммель) пахк?-?мужій мильт.

¹⁸ Сарн сонне: мэй мильт? Ну Исус цилькій: іель коньт, іель ряхктув віерсій гуэйм; іель суэлэнт; іель сарн кіелес чор‐олмо‐сагыйт;

¹⁹ Ане аджант еаннант шуррэн, и шобешт иджант альтмуз, готь ич иджант.

²⁰ Нур олмунч сонне сарн: тан пук мун пинь?-?ним иччан нурвудест; ми мунст вял ій оалэ?

²¹ Исус цилькій сонне: го тон татних ліеде тивт налла; мэнэ, мигэ иджант еалмужэ, и юге вайв?-?сійт; и тонне лянч еал альмест; и пуэде, ваньц мунэ мильт.

²² Куэсь кулый нур олмунч тан сане; сон вань?-?цій тумпьла пяцлест; тэн гуэйк што сонст ляй іеннэг еаллэд.

²³ А Исус цилькій иджес уэпсувьійт: вуйкест сарнам тійе, лоссэд ли ваптекке мэннэд альм‐царства.

²⁴ И вял сарнам тійе: кіепсамп ли верблютте мэннэд нивле пэтташ чэдэ, го ваптекке мэннэд Иммель царства.

²⁵ Готь сонэ уэпсуввэе тан куллин, сій чуэвта суркнин и цильхкин: кій оай шыт піестхуввед?

²⁶ А Исус кичист синэ элэ, цилькій сійе: тат олмуйт иллях махт туешед, а Иммель пук оай.

²⁷ Танна Піедар цилькій сонне вуэста сане: кич, мій кудим пук, и вульким тонэ мильт, ми шыт лянч мійе?

²⁸ Ну Исус цилькій сійе: вуйкест тійе сарнам, што тій, кок мунэ мильт вулькійт, оттест шэнтмужест, куэсь ышт олмо альк иджес славе ыштем‐сайя, и тій ыштбеттед кухтемплоге ыштем‐сайя, суттэд Израилэ кухтемплоге пулвдэккед.

²⁹ И юкьянч, ку куэт иджес пэртійт, или вильлійт, или уэрпнійт, или аджес, или іеннес, или капкес, или парнайдис, или іемнійдис мунэ нэмэ гуэйк, сон оанч чуде вуэрред іенамп, и лянч сонне аге еалмуш.

³⁰ А іеннэг лянч автьмуссед маӈемуссен, и маӈемузэ линчин автьмуссен.